వరుణ్ 'గాండీవధారి అర్జున' డబ్బింగ్ స్టార్ట్.. అతి త్వరలోనే ట్రైలర్!

మెగా ఫ్యామిలీ నుండి వచ్చిన హీరోల్లో మెగా ప్రిన్స్ వరుణ్ తేజ్ ( Varun Tej ) ఒకరు.ఈయన ముందు నుండి రిజల్ట్ తో సంబంధం లేకుండా సినిమాలు చేస్తూ ప్రేక్షకుల హృదయాల్లో తనకంటూ ప్రత్యేక స్థానం పొందాడు.

సెలెక్టివ్ గా సినిమాలు చేసుకుంటూ సినిమా సినిమాకు తాను ఎంచుకునే స్క్రిప్ట్ లతో అందరి దృష్టిని ఆకర్షించాడు.ఇక వరుస హిట్స్ అందుకుంటున్న వరుణ్ తేజ్ మరో కొత్త సినిమాతో ప్రేక్షకుల ముందుకు రాబోతున్నాడు.

ప్రజెంట్ వరుణ్ తేజ్ క్రేజీ లైనప్ సెట్ చేసుకుంటున్నాడు.ఆ లైనప్ లో ముందుగా రిలీజ్ కానున్న మూవీ ‘‘గాండీవధారి అర్జున( Gandeevadhari Arjuna ) . ప్రవీణ్ సత్తారు ( Praveen Sattaru) దర్శకత్వంలో తెరకెక్కుతున్న ఈ సినిమా ఆగస్టు 25న రిలీజ్ కాబోతున్న విషయం విదితమే.

అందుకే మేకర్స్ ఒక్కొక్కటిగా అన్ని పనులు పూర్తి చేస్తున్నారు.ఇటీవలే హాయ్ వోల్టేజ్ టీజర్ ను రిలీజ్ చేసి ఈ సినిమాపై హైప్ పెంచేశారు.వరుణ్ మరో కొత్త ప్రయోగంతో రాబోతున్నాడు అని చెప్పకనే చెప్పారు.

ఇక ఇప్పుడు ఈయన తన పాత్రకు డబ్బింగ్ సైతం స్టార్ట్ చేసినట్టు తెలుస్తుంది.ఈ విషయాన్నీ మేకర్స్ అఫిషియల్ గా సోషల్ మీడియా వేదికగా అనౌన్స్ చేసారు.

అలాగే అతి త్వరలోనే ట్రైలర్ కూడా రిలీజ్ చేస్తామని తెలిపారు.ఇక ఈ సినిమాలో వరుణ్ తేజ్ కు జోడీగా ఏజెంట్ బ్యూటీ సాక్షి వైద్య( Sakshi Vaidya ) హీరోయిన్ గా నటిస్తుండగా.మిక్కీ జె మేయర్ సంగీతం అందిస్తున్నారు.అలాగే ఈ సినిమాని బివిఎస్ఎన్ ప్రసాద్ శ్రీ వెంకటేశ్వర సినీ చిత్ర ప్రొడక్షన్స్ భారీ స్థాయిలో నిర్మిస్తున్నారు.మరి ఈ సినిమా ఎలాంటి హిట్ అవుతుందో తెలియాలంటే ఆగస్టు 25 వరకు వేచి ఉండాల్సిందే.