ఒక్క రోజులో రూ.500 కోట్లు పోగొట్టుకున్న యూకే పీఎం భార్య అక్షతా మూర్తి.. కారణం ఇదే!

అక్షతా మూర్తి( Akshata Murthy ) గురించి ప్రత్యేకంగా చెప్పాల్సిన పనిలేదు.ఈమె భారతీయ వ్యాపారవేత్త నారాయణమూర్తి కుమార్తె.

అలానే ప్రస్తుత యూకే ప్రధాన మంత్రి రిషి సునాక్‌ ( Rishi Sunak )భార్య.నారాయణమూర్తి ఇన్ఫోసిస్ వ్యవస్థాపకుడు.

ఆయన అత్యంత ధనవంతులుగా కూడా కొనసాగుతున్నారు.కాగా అక్షతా మూర్తి భారతదేశంలోని టెక్ దిగ్గజం ఇన్ఫోసిస్‌లో 0.93% వాటాలను కలిగి ఉన్నారు.అయితే ఏప్రిల్ 17న, ఇన్ఫోసిస్ షేర్లు 9.4% పడిపోయాయి, దీనివల్ల ఆమె ఒక్క రోజులోనే సుమారు రూ.500 కోట్లు నష్టపోయారు.అక్షత ఒక ఫ్యాషన్ డిజైనర్.

ఆమెకు అక్షత డిజైన్స్( Akshata Designs ) అనే ఫ్యాషన్ లేబుల్‌ కూడా ఉంది.ఇన్ఫోసిస్‌లో షేర్ల ద్వారా ఆమె లక్షలాది రూపాయల డివిడెండ్లను సంపాదించారు.

కానీ ఒక ఎన్నారైగా ఆమె తన ఆదాయంలో ఎక్కువ భాగంపై పన్నులు చెల్లించలేదు.దాంతో అది వివాదానికి కారణమైంది.

అయితే, ఆమె యూకేలో పన్నులు చెల్లించడానికి అంగీకరించడం ద్వారా ఈ సమస్యను పరిష్కరించుకున్నారు.