ఆర్ఆర్ఆర్ తెలుగు వెర్షన్ లో లేని ఆ సీన్లు హిందీలో ఉన్నాయా.. అసలేం జరిగిందంటే?

ఆర్ఆర్ఆర్ మూవీ థియేటర్లలో విడుదల కావడానికి మరో మూడు రోజుల సమయం మాత్రమే ఉంది.25వ తేదీ ఉదయం 4 గంటల నుంచే దేశంలోని పలు థియేటర్లలో ఆర్ఆర్ఆర్ మూవీ ప్రదర్శితం కానుంది.చరణ్, తారక్ కష్టానికి తగ్గ ప్రతిఫలం ఈ సినిమాతో దక్కుతుందని ఫ్యాన్స్ ఆశిస్తున్నారు.మూడు గంటల రెండు నిమిషాల నిడివితో ఆర్ఆర్ఆర్ తెలుగు వెర్షన్ రిలీజ్ కానుంది.

అయితే ఆర్ఆర్ఆర్ హిందీ వెర్షన్ నిడివి తెలుగు వెర్షన్ కంటే ఎక్కువ కావడం గమనార్హం.

మూడు గంటల 7 నిమిషాల నిడివితో ఆర్ఆర్ఆర్ హిందీ వెర్షన్ రిలీజ్ కానుంది.

వైరల్ అవుతున్న ఈ వార్త వల్ల ఆర్ఆర్ఆర్ తెలుగు వెర్షన్ లో లేని సన్నివేశాలు హిందీ వెర్షన్ లో ఉండవచ్చని చరణ్, తారక్ అభిమానులు సందేహాలు వ్యక్తం చేస్తున్నారు.చిత్రయూనిట్ నుంచి ఎవరో ఒకరు క్లారిటీ ఇచ్చి ఈ సందేహాలకు చెక్ పెట్టాలని ఫ్యాన్స్ కోరుకుంటున్నారు.

తెలుగు వెర్షన్ లో లేని సీన్లు హిందీలో ఉంటే మాత్రం ఫ్యాన్స్ ఫీలయ్యే ఛాన్స్ ఉంది.

తెలుగు రాష్ట్రాల వరకు ఈ సినిమా కళ్లు చెదిరే స్థాయిలో కలెక్షన్లను సాధిస్తుందనడంలో సందేహం లేదు.అయితే ఆర్ఆర్ఆర్ భారీ బడ్జెట్ సినిమా కావడంతో హిందీ వెర్షన్ కలెక్షన్లు కూడా ఈ సినిమాకు కీలకం కానుంది.కట్టప్ప ఫ్యాక్టర్ బాహుబలి2 హిందీలో రికార్డు స్థాయిలో కలెక్షన్లను సొంతం చేసుకోవడానికి కారణం కాగా ఆర్ఆర్ఆర్ రిలీజైన తర్వాత హిందీలో భారీగా కలెక్షన్లు వస్తాయని ఫ్యాన్స్ భావిస్తున్నారు.

ఆర్ఆర్ఆర్ మూవీలో మొదట చరణ్ ఎంట్రీ ఉంటుందని ఆ తర్వాత తారక్ ఎంట్రీ ఉంటుందని తెలుస్తోంది.ఈ సినిమా ద్వారా చరణ్, ఎన్టీఆర్, జక్కన్నలకు ప్రేక్షకుల అంచనాలకు అందని స్థాయిలో రెమ్యునరేషన్ దక్కిందని ప్రచారం జరుగుతోంది.