కాంగ్రెస్ లోకే తుమ్మల ! ? పోటీ చేసేది ఎక్కడి నుంచంటే .. ?

 సెప్టెంబర్ ఆరో తేదీన ఢిల్లీకి వెళ్లి కాంగ్రెస్ అధ్యక్షుడు మల్లికార్జున ఖర్గే( Mallikarjun Kharge ) సమక్షంలో కండువా కప్పుకోవాలని చూస్తున్నారు.ఒకవేళ అది కుదరని పక్షంలో రాహుల్ గాంధీ సమక్షంలోనైనా కాంగ్రెస్ లో చేరాలని నిర్ణయించుకున్నారు.ఈ మేరకు ఇప్పటికే తన అనుచరులతో ఆయన సమావేశాలు నిర్వహిస్తున్నారు.ఇక బీఆర్ఎస్ సైతం తుమ్మల పార్టీని వీడకుండా బుజ్జగింపు ప్రయత్నాలు చేపట్టింది.ఆయనకు రాజ్యసభ సభ్యత్వం ఇస్తామనే హామీను కూడా ఇచ్చింది.అయితే కేసీఆర్ తనకు నమ్మకద్రోహం చేశారని, తుమ్మల తీవ్ర అసంతృప్తితో ఉన్నారు.

దీంతో ఆయన కాంగ్రెస్ లో చేరేందుకు దాదాపుగా డిసైడ్ అయిపోయారు.అయితే నియోజకవర్గ విషయంలో కాంగ్రెస్ నుంచి ఇంకా స్పష్టత రాలేదు.

ఖమ్మం( Khammam ) లేదా పాలేరు ఈ రెండు నియోజకవర్గాల్లో ఏదో ఒక దాని నుంచి తుమ్మల పోటీ చేసే అవకాశం ఉందని ప్రచారం జరుగుతున్నా,  పాలేరు నియోజకవర్గం పైనే ఆయన ఎక్కువ ఆశలు పెట్టుకున్నారు.

 కాంగ్రెస్ అనూహ్యంగా మరో ప్రతిపాదన కూడా తీసుకు వచ్చినట్లు సమాచారం.ఈ మేరకు హైదరాబాదులోని కూకట్ పల్లి నియోజకవర్గం నుంచి ఆయనను పోటీకి దించాలని చూస్తున్నారట.దీనికి కారణం ఈ నియోజకవర్గంలో కమ్మ సామాజిక వర్గం ప్రభావం ఎక్కువగా ఉండటమే కారణమట .అయితే కూకట్ పల్లి  పై తుమ్మల అంత ఆసక్తి చూపించడం లేదట.తనకు పాలేరు నియోజకవర్గం ఇవ్వాల్సిందేనని పట్టుబడుతున్నట్లు సమాచారం.

కాంగ్రెస్ లో తుమ్మల చేరడం ఖాయం అయినా, నియోజకవర్గ విషయంలోనే క్లారిటీ రావాల్సి ఉంది.