కమలా హారిస్‌కు తులసి గబ్బార్డ్‌తో చెక్.. వ్యూహాత్మకంగా ట్రంప్ పావులు

రేసులో తన స్పీడు తగ్గడంతో ట్రంప్ అప్రమత్తమయ్యారు.ప్రచారంతో పాటు ఛానెల్స్‌కు వరుసపెట్టి ఇంటర్వ్యూలు ఇస్తున్నారు.కమలా హారిస్ బృందాన్ని టార్గెట్ చేస్తూ ఆయన టీమ్ విమర్శలు కురిపిస్తోంది.

తన మాటల దాడికి మరింత బలాన్ని తీసుకొచ్చేలా మాజీ డెమొక్రాట్ కాంగ్రెస్ నేత తులసి గబ్బార్డ్‌ను ట్రంప్ బరిలో దించినట్లు న్యూయార్క్ టైమ్స్ నివేదించింది.ట్రంప్ ప్రైవేట్ క్లబ్, నివాసంగా ఉన్న ఫ్లోరిడాలోని మార్ ఏ లాగోలో జరిగిన ప్రాక్టీస్ సెషన్‌లో తులసి చేరినట్లుగా వార్తలు వస్తున్నాయి.సెప్టెంబర్ 10న జరిగే ఏబీసీ న్యూస్ ఛానెల్ డిబేట్‌లో ట్రంప్ - కమలా హారిస్ తలపడనున్నారు.2020 అధ్యక్ష ఎన్నికల్లో డెమొక్రాటిక్ పార్టీ నామినేషన్ కోసం కమలా హారిస్ , తులసి గబ్బార్డ్‌లు హోరాహోరీగా తలపడ్డారు.చివరికి డిసెంబర్ 2019లో కమలా హారిస్, 2020 మార్చిలో తులసి గబ్బార్డ్‌( Tulsi Gabbard )లు రేసు నుంచి తప్పుకున్నారు.