వీటిపైనే చంద్రబాబు మొదటి మూడు సంతకాలు

టిడిపి అధినేత చంద్రబాబు( Chandrababu ) ఈనెల 12వ తేదీన ఏపీ ముఖ్యమంత్రిగా ప్రమాణస్వీకారం చేయబోతున్నారు.

ముఖ్యమంత్రిగా ఆయన బాధ్యతలు స్వీకరించిన తరువాత మొదటి మూడు సంతకాలు కొన్ని కీలక అంశాలపై చేయబోతున్నారు.

గత ఎన్నికల సమయంలో ప్రధానంగా వీటిపై హామీ ఇవ్వడంతో , ఆ హామీని నెరవేర్చేందుకు చంద్రబాబు సిద్ధమవుతున్నారు.ఈనెల 12న ముఖ్యమంత్రిగా ప్రమాణ స్వీకారం చేసిన తరువాత మెగా డిఎస్సి పై మొదటి సంతకాన్ని చేయనున్నారు.

గత వైసిపి ప్రభుత్వం ఎన్నికల కు ముందు హడావిడి గా డీఎస్సీ నోటిఫికేషన్ ను విడుదల చేసింది.అంతే హడావుడిగా టెట్ , డీఎస్సీ పరీక్షలు నిర్వహించి ఫలితాలను కూడా ప్రకటించాలని ప్రయత్నించింది.

కానీ తమకు తగినంత సమయం ఇవ్వకుండా హడావుడిగా నోటిఫికేషన్లు జారీ చేయడంపై నిరుద్యోగులు హైకోర్టును ఆశ్రయించడంతో, వాటికి హైకోర్టు బ్రేక్ వేసింది.ఉద్యోగాల సంఖ్య కూడా తక్కువగా ఉండడంతో తాము అధికారంలోకి వచ్చిన వెంటనే మెగా డీఎస్సీ నోటిఫికేషన్ ( Mega DSC Notification )విడుదల చేస్తామని చంద్రబాబు హామీ ఇచ్చారు.

ఈ మేరకు మొదటి సంతకాన్ని మెగా డీఎస్సీ పైనే చంద్రబాబు పెట్టబోతున్నారు.