ఏపీలో నయా ట్రెండ్ స్టిక్కర్ల రాజకీయం

ఏపీలో ఇప్పుడు స్టిక్కర్ల రాజకీయం మొదలైంది… మా భవిష్యత్తు నువ్వే జగన్ పేరిట భారీ స్థాయిలో ప్రజా సర్వే కార్యక్రమానికి వైసీపీ( YCP ) ప్రభుత్వం శ్రీకారం చుట్టిన విషయం తెలిసిందే.

ఈ కార్యక్రమంలో భాగంగా గృహ సారధులు, సచివాలయం కన్వీనర్లు ,ప్రజాప్రతినిధులు ప్రతి ఇంటికి వెళ్లి సంక్షేమ కార్యక్రమాల అమలుపై ప్రజల అభిప్రాయం తెలుసుకునే కార్యక్రమం నిన్న అటహాసంగా మొదలైంది.

ప్రతి నియోజకవర్గంలోనూ ఆ నియోజకవర్గ ఎమ్మెల్యేలు, ఎంపీలు ఈ కార్యక్రమాన్ని మొదలుపెట్టారు.ప్రతి ఇంటికి వెళ్లి వారి సాధకబాదాకాలు వింటూ మా నమ్మకం నువ్వే జగన్ అనే స్టిక్కర్లను అంటిస్తున్నారు.

ఈ స్టిక్కర్లు అంటించుకోకపోతే పథకాలు ఆపేస్తారని వాలంటీర్లు భయపెట్టడం వలన ప్రజలు స్టిక్కర్లు అంటించుకోవడానికి ముందుకు వస్తున్నారు తప్ప స్వచ్ఛందంగా కాదని ప్రతిపక్షాలు విమర్శిస్తున్నాయి అయితే ప్రభుత్వం చేపట్టిన ఈ కార్యక్రమానికి ప్రతిగా ఇప్పుడు జనసేన పార్టీ( Janasena party ) వినూత్న నిరసన కార్యక్రమం చేపట్టింది తిరుపతిలో జనసేన నేత కిరణ్ రాయల్( Kiran Royal ) పవన్ పేరిట ముద్రించిన స్టిక్కర్లను పోటాపోటీగా ఇంటింటికి అంటిస్తున్న వైనం హాట్ టాపిక్ గా మారింది.మాకు నమ్మకం లేదు జగన్ మా నమ్మకం పవన్ పేరిట అధికారి పార్టీ స్టిక్కర్లు అంటించిన ప్రతి ఇంటికి వెళ్లి ఈ స్టిక్కర్లను అంటించడం ఆసక్తిని కలిగిస్తుంది.