ఐఫోన్లు చాలా క్వాలిటీ మొబైల్స్ అని చెప్పుకోవచ్చు.వాటి నాణ్యత ఎప్పటికప్పుడు బయటపడుతూనే ఉంటుంది.
తాజాగా అవి ఎంత క్వాలిటీగా ఉంటాయో తెలిపే ఓ ఘటన జరిగింది.కాలిఫోర్నియా( Californi )లోని ఒక డైవర్ నది నీటిలో ఓ ఐఫోన్ 12ని చూశాడు.
దానిని బయటకు తీసి ఛార్జింగ్ పెట్టగా అది ఆన్ అయింది.దాంతో అతడు ఆశ్చర్యపోయాడు.
ఈ వ్యక్తి రీసెంట్ గా స్టానిస్లాస్ రివర్లో చెత్త, ఫిషింగ్ గేర్లను శుభ్రం చేస్తున్నప్పుడు ఈ ఫోన్ను కనుగొన్నట్లు యాపిల్ ఇన్సైడర్తో చెప్పాడు.
ఫోన్ ఆల్గేతో కవర్ అయి కొన్ని రాళ్ల మధ్య ఇరుక్కుపోయిందని అతడు తెలిపాడు.లీ( Lee) అని చెప్పుకునే ఈ డైవర్ నవంబర్ 10న ఫోన్ను పొందానని, కొన్ని రోజులు ఆరబెట్టడానికి వదిలేశానని చెప్పాడు.తరువాత అతను దానిని ఛార్జర్కి ప్లగ్ చేసి, అది ఆన్ కావడం చూసి ఆశ్చర్యపోయాడు.
ఫోన్లో పాస్కోడ్ లేనందున అతను ఫోటోలు, కాంటాక్ట్స్ కూడా యాక్సెస్ చేయగలిగాడు.అతను ఫోన్తో తీసిన చివరి ఫోటో తేదీని తనిఖీ చేసాడు, అది సెప్టెంబర్ 4న నది వీడియో.
అంటే ఫోన్ మూడు నెలలకు పైగా లేదా దాదాపు 100 రోజులు నీటిలోనే ఉందని అర్థం.ఫోన్ మన్నిక, వాటర్ రెసిస్టెన్స్ తనను ఆకట్టుకుందని లీ చెప్పారు.
ఐఫోన్ 12 యాపిల్( iPhone 12 Apple ) స్మార్ట్ఫోన్ల లేటెస్ట్ మోడళ్లలో ఒకటి, ఇది నీరు, ధూళి వల్ల మొబైల్ పాడుకాకుండా IP68 రేటింగ్తో వస్తుంది.దీనర్థం, అవి 6 మీటర్ల నీటిలో మునిగి 30 నిమిషాల వరకు పాడు కాకుండా ఉండగలవు.అయినప్పటికీ, అవి వాటర్ప్రూఫ్ అని దీని అర్థం కాదు, ఎందుకంటే నీరు ఫోన్ ఇంటర్నల్ పార్ట్స్ను కాలక్రమేణా దెబ్బతీస్తుంది.యాపిల్ దాని వారంటీ కింద వాటర్ డ్యామేజ్ను కవర్ చేయదు, కాబట్టి యూజర్లు తమ ఫోన్లను ద్రవపదార్థాలకు వీలైనంత వరకు దూరంగా ఉంచడం మంచిది.
అతను ఫోన్ యజమానిని సంప్రదించానని, ఆయన తన నిజాయితీ, దాతృత్వానికి కృతజ్ఞతలు తెలిపాడని లీ చెప్పారు.ఓనర్కు ఆ ఫోన్ను తిరిగి ఇచ్చానని, అయితే ఆయన అప్పటికే కొత్తది కొన్నారని లీ చెప్పాడు.
తన మంచి పనికి ప్రతిఫలంగా ఆ ఫోన్ని తననే ఉంచుకోమని యజమాని చెప్పాడని, ఈ ఫోన్ తన సొంతం అయినందుకు సంతోషంగా ఉందని అన్నాడు.తన కథ ఇతరులకు కూడా ఇలాగే స్ఫూర్తినిస్తుందని ఆశిస్తున్నాను అన్నారు.