తెలుగు తేజం చిన్నారి కలశకు ప్రపంచంలో అతి పిన్న వయస్కురాలైన సమాజ సేవకురాలిగా గుర్తింపు

పుట్టగానే పరిమళించింది ఓ చిన్నారి గులాబీ.వచ్చేటప్పుడు ఏమీ తీసుకురాము.

అనే నానుడిని అలవోకగా పక్కకు నెట్టేసింది.ఆనందాలతో పాటు సకల అవసరాలకు భరోసానిచ్చే కలశ ఫౌండేషన్(Kalash Foundation) ని లోకానికి గిఫ్ట్ గా ఇచ్చింది.

ఇంతకీ ఆ చిన్నారి ఎవరు? పుట్టుకతో సాధించిన విజయాలు ఏమిటి? ప్రస్తుతం తను సాధించిన విజయాలు, సాధించబోతున్న విజయాలు ఏ దశలో ఉన్నాయో ఒకసారి పరికిద్దాం.అది ఆగస్టు 13, 2013.

తెలుగు నేల ను పులకింపజేస్తూ ఈ లోకంలో అడుగు పెట్టింది ఆ బంగారు తల్లి.పేరు కలశ. కలశ నాయుడు(Kalash Naidu).పసితనము నుండే పరుల కష్టాలకు స్పందించడం మొదలుపెట్టింది తనలాంటి పసిపిల్లలు, పనివాళ్ళుగా ఉండడం చూసి తట్టుకోలేకపోయింది ఆ చిన్నారి గుండె.తన వంతుగా, తన వయసుకు తెలిసినంతగా సాయం ప్రారంభించింది.

పలకలు, బలపాలు, చాక్లెట్లు, ఆట బొమ్మలు.ఒకటేమిటి ఎవరికి ఏ అవసరం ఉన్నా అన్నీ ఇచ్చేస్తూ ఉండేది.

ఆ చిన్నారి దాన గుణానికి, సేవా తత్వానికి మురిసిపోయిన ఆమె తల్లిదండ్రులు ఆమెకు కావాల్సినంత స్వేచ్ఛనిచ్చారు.చేయూతను అందించారు.

దాని ఫలితమే కలశ ఫౌండేషన్ సాధించిన ఘనవిజయాలు.వాటిలో మచ్చుకు కొన్ని తెలుసుకుందాం.