ఈ రోజుల్లో చాలామంది యువత సోషల్ మీడియా మోజులో పడిపోయి టైమ్ వేస్ట్ చేస్తుంటే మరి కొంతమంది మాత్రం జీవితంలో ఉన్నత స్థాయి లక్ష్యాలను పెట్టుకొని వాటిని సాధించుకునే దిశగా అడుగులు వేస్తున్నారు.వీరందరూ కూడా ఇతరులకు ఇన్స్పిరేషన్గా నిలుస్తున్నారు.
వారిలో తాజాగా పాటియాలాకు చెందిన యువకుడు సౌరవ్ భరద్వాజ్( Sourav Bhardwaj ) చేరిపోయాడు.
అతను కృషి, పట్టుదలతో ఐటీఐ చదువుతూ, ఐఏఎస్ అధికారి కావాలనే లక్ష్యంతో సివిల్ సర్వీసెస్( Civil Services ) పరీక్షలకు కూడా సిద్ధమవుతున్నాడు.
తన కుటుంబాన్ని ఆర్థికంగా ఆదుకోవడానికి, ప్రముఖ ఆన్లైన్ ఫుడ్ డెలివరీ ప్లాట్ఫామ్ అయిన స్విగ్గీకి ఫుడ్ డెలివరీ బాయ్గా( Swiggy Food Delivery Boy ) పనిచేస్తున్నాడు.ఈ యువకుడి స్టోరీని సోషల్ మీడియా యూజర్ హతీందర్ సింగ్( Hatinder Singh ) ఎక్స్, మైక్రోబ్లాగింగ్ సైట్లో షేర్ చేశాడు.
సౌరవ్ భరద్వాజ్ తన సైకిల్పై ఆర్డర్ డెలివరీ చేస్తూ, తన జీవితం, ఆకాంక్షల గురించి మాట్లాడుతున్న వీడియోను హతీందర్ సింగ్ పోస్ట్ చేశాడు.ఈ వీడియో వైరల్గా మారింది.
ఇంటర్నెట్లో చాలా మందిని ఫిదా చేసింది.
వీడియోలో, సౌరవ్ భరద్వాజ్ నాలుగు నెలలుగా స్విగ్గీ( Swiggy ) కోసం పని చేస్తున్నానని, రోజూ సాయంత్రం 4 నుంచి రాత్రి 11 గంటల వరకు 40 కి.మీ చుట్టూ సైకిల్ నడుపుతున్నట్లు చెప్పాడు.తన తండ్రి ఫొటోగ్రాఫర్ అని, తన తల్లి ప్రైవేట్ స్కూల్లో టీచర్ అని, అయినా తన పేరెంట్స్ కి వచ్చే జీతం ఇంట్లో అవసరాలకు సరిపోవడం లేదని, అందుకే తన వంతుగా తాను కూడా సహాయం చేస్తున్నానని అన్నాడు.
అతను తన కుటుంబానికి కిరాణా సామాను కొనడానికి స్విగ్గీ నుంచి తన జీతం వాడుతున్నాడు.
తాను హిందువునని, సిక్కు విశ్వాసంతో తలపాగా ధరిస్తానని కూడా వెల్లడించాడు.తాను అన్ని మతాలను గౌరవిస్తానని, మానవత్వాన్ని నమ్ముతానని చెప్పారు.సవాళ్లను అధిగమించి ధైర్యంగా, దృఢవిశ్వాసంతో కలలను ఎలా సాధించవచ్చో చెప్పడానికి సౌరవ్ భరద్వాజ్ ఒక ఉదాహరణ.
జీవితంలో ఏదైనా సాధించాలనే తపనతో ఎంతో మంది యువతకు ఆదర్శంగా నిలుస్తున్నాడు.