అమిత్‌ షాకు సోనియా గాంధీ సవాల్‌

దేశంలో తీసుకు వచ్చిన కొత్త పౌరసత్వ చట్టంపై విపక్ష పార్టీలు ముఖ్యంగా కాంగ్రెస్‌ పార్టీ తీవ్ర ఆగ్రహంతో ఉంది.

దేశ వ్యాప్తంగా ఆ పార్టీ ఆందోళనలు చేస్తోంది.

ఈశాన్య రాష్ట్రాల ప్రజల హక్కులను కాలరాసే విధంగా ఈ చట్టం ఉంది అంటూ తాజాగా ఒక సభలో సోనియా గాంధీ అన్నారు.ప్రస్తుతం అక్కడ ప్రజలు భయాందోళన నడుమ జీవిస్తున్నారు అంటూ ఆమె చెప్పుకొచ్చింది.

ఇంతగా చట్టంను జనాలు వ్యతిరేకిస్తున్నా కూడా కేంద్ర ప్రభుత్వం ఎందుకు ఈ చట్టంను బలవంతంగా రుద్దుతుంది అంటూ ఈ సందర్బంగా ఆమె ప్రశ్నించింది.దేశంలో అనిశ్చితి వాతావరణం కల్పించడం, హింసకు తెర తీయడం మోడీ మరియు అమిత్‌ షాలకు కావాలని, వారు అదే చేస్తున్నారంటూ ఈ సందర్బంగా చెప్పుకొచ్చింది.

ప్రధాని నరేంద్ర మోడీ మరియు అమిత్‌ షాలు ధైర్యం ఉంటే ఇప్పుడు ఈశాన్య రాష్ట్రాల్లో పర్యటించాలంటూ ఈ సందర్బంగా సోనియా గాంధీ సవాల్‌ విసిరింది.పరిస్థితి తీవ్రంగా ఉండటం వల్లే బంగ్లాదేశ్‌ విదేశాంగ శాఖ మంత్రి తన పర్యటనను రద్దు చేసుకున్నాడు అంటూ ఆమె చెప్పుకొచ్చింది.

ప్రస్తుతం దేశంలో ఉన్న అనిశ్చితిని తొలగించాలంటే వెంటనే పౌరసత్వ కొత్త చట్టంను రద్దు చేయాలంటూ ఈ సందర్బంగా ఆమె పిలుపునిచ్చింది.