ఫీల్ గుడ్ సినిమాల దర్శకుడు శేఖర్ కమ్ముల ప్రస్తుతం లవ్ స్టోరి అనే సినిమాను తెరకెక్కిస్తున్నాడు.అక్కినేని నాగచైతన్య, సాయి పల్లవి హీరోహీరోయిన్లుగా ఈ సినిమాను తెరకెక్కిస్తు్న్నాడు ఈ డైరెక్టర్.
ఫిదా సినిమా తరువాత శేఖర్ కమ్ముల తెరకెక్కిస్తున్న సినిమా కావడంతో లవ్‌స్టోరి పై ప్రేక్షకుల్లో మంచి అంచనాలు క్రియేట్ అయ్యాయి.అయితే ఈ సినిమా విషయంలో శేఖర్ కమ్ముల ఒకటి కాదు రెండు సెంటిమెంట్‌లను ఫాలో అవుతున్నట్లు తెలుస్తోంది.
గతంలో ఆనంద్ సినిమాతో అదిరిపోయే సక్సెస్ కొట్టిన శేఖర్ కమ్ముల, ఆ తరువాత కమిలినీ ముఖర్జీని వరుసగా తన సినిమాల్లో హీరోయిన్‌గా పెట్టి సక్సె్స్ అందుకున్నాడు.ఇప్పుడు ఫిదా చిత్రంతో తనకు అదిరిపోయే హిట్ అందించిన సాయి పల్లవిని మరోసారి లవ్‌స్టోరి చిత్రంలో పెట్టుకున్నాడు.
ఇక ఫిదా సినిమా మెజారిటీ షూటింగ్ బాన్సువాడలో తీసిన సంగతి తెలిసిందే.
ఇప్పుడు లవ్‌స్టోరి చిత్ర షూటింగ్‌ను కూడా బాన్సువాడలోనే తెరకెక్కిస్తుండటంత విశేషం.
అక్కినేని నాగచైతన్య, సాయి పల్లవి జంటగా నటిస్తున్న ఈ సినిమా ఔట్ అండ్ ఔట్ రొమాంటిక్ ఎంటర్‌టైనర్‌గా తెరకెక్కుతోంది.మరి ఈ సెంటిమెంట్ శేఖర్ కమ్ములకు ఎలాంటి వజయాన్ని అందిస్తుందో చూడాలి.
