ఆ సమయంలో నిమ్మకాయ నీళ్లతో కడుపు నింపుకున్నా.. రవికృష్ణ కామెంట్స్ వైరల్!

సినిమా ఇండస్ట్రీకి చెందిన చాలామంది సెలబ్రిటీల సక్సెస్ వెనుక ఎన్నో కష్టాలు, కన్నీళ్లు ఉంటాయి.

పైకి సంతోషంగా కనిపించే సెలబ్రిటీలు నిజ జీవితంలో అనుభవించిన కష్టాల గురించి తెలిస్తే కొన్నిసార్లు ఆశ్చర్యానికి గురి కావాల్సి ఉంటుంది.బిగ్ బాస్ షో, సీరియళ్ల ద్వారా గుర్తింపును సంపాదించుకున్న రవికృష్ణ( Ravi Krishna ) ఒక సందర్భంలో మాట్లాడుతూ డిగ్రీ పూర్తి చేసిన వెంటనే సినిమా ఇండస్ట్రీలోకి రావాలని భావించానని అన్నారు.5,000 రూపాయల స్నేహితుడి దగ్గర అప్పు చేసి చెన్నైకి వెళ్లానని ఆ డబ్బులు ఖర్చైన తర్వాత తినడానికి తిండి ఉండటానికి స్థలం లేక ఇబ్బందులు ఎదుర్కొన్నానని రెండు రూపాయలతో నిమ్మకాయ కొనుక్కొని నిమ్మకాయ నీళ్లు తాగి కడుపు నింపుకున్న సందర్భాలు ఉన్నాయని రవికృష్ణ వెల్లడించారు.నాన్న ఆర్టీసీ డ్రైవర్ అని ఆర్థికంగా ఎన్నో కష్టాలను ఎదుర్కొంటున్నామని రవికృష్ణ పేర్కొన్నారు.