మేకిన్ ఇండియాకు సాయపడండి.. యూఎస్ డిఫెన్స్ కంపెనీలతో రాజ్‌నాథ్ సింగ్

కేంద్ర రక్షణ మంత్రి రాజ్‌నాథ్ సింగ్ ( Minister Rajnath Singh )శుక్రవారం (స్థానిక కాలమానం ప్రకారం) అమెరికా రాజధాని వాషింగ్టన్ డీసీలో యూఎస్ డిఫెన్స్ కంపెనీల ( US defense companies in Washington DC )సీనియర్ మేనేజ్‌మెంట్‌తో భేటీ అయ్యారు.

భారతదేశంలో రక్షణ రంగంలో అభివృద్ధి చెందుతున్న అవకాశాలను ఆయన వివరించారు.

యూఎస్ ఇండియా స్ట్రాటజిక్ పార్టనర్‌షిప్ ఫోరమ్ (యూఎస్ఐఎస్‌పీఎఫ్) నిర్వహించిన రౌండ్ టేబుల్ సందర్భంగా రక్షణ రంగంలో ఆత్మనిర్భరతను సాధించే దిశగా మేకిన్ ఇండియా ( Makein India )కార్యక్రమాన్ని వేగవంతం చేయడానికి భారత భాగస్వాములతో కలిసి పనిచేయాలని రాజ్‌నాథ్ సింగ్ కంపెనీలను ఆహ్వానిస్తూ ఎక్స్‌లో ట్వీట్ చేశారు.భాగస్వామ్యం, జాయింట్ ఎఫర్ట్స్ అనే రెండు పదాలు ఇతర దేశాలతో భారత రక్షణ పరిశ్రమ భాగస్వామ్యాన్ని వేరుచేస్తాయని రాజ్‌నాథ్ హైలైట్ చేశారు.

భారత ప్రభుత్వం చేపట్టిన ప్రగతిశీల సంస్కరణలు అమెరికా సహా అనేక విదేశీ ఒరిజినల్ ఎక్విప్‌మెంట్ ( Foreign Original Equipment )తయారీదారులను ఇండియాలో తయారీ యూనిట్లను స్థాపించడానికి, జాయింట్ వెంచర్‌ను అభివృద్ధి చేయడానికి ప్రోత్సహించాయని రక్షణ శాఖ తెలిపింది.