అమెరికా మాజీ అధ్యక్షుడు ట్రంప్‌పై హత్యాయత్నం.. ప్రధాని నరేంద్ర మోడీ దిగ్భ్రాంతి

అమెరికా మాజీ అధ్యక్షుడు డొనాల్డ్ ట్రంప్‌పై( Donald Trump ) హత్యాయత్నం జరిగింది.

ఎన్నికల ప్రచారంలో భాగంగా జరిగిన ర్యాలీలో గుర్తుతెలియని దుండగుడు ట్రంప్‌పై కాల్పులకు తెగబడ్డాడు.

దుండగుడిని భద్రతా సిబ్బంది కాల్చి చంపగా.ట్రంప్‌ చెవికి గాయమైంది.

స్టేజ్‌పై ట్రంప్ మాట్లాడుతుండగా.దుండగుడు కాల్పులు జరిపాడు.

దీంతో ఆయన పోడియం కింద దాక్కొని తనను తాను రక్షించుకున్నారు.ఊహించని పరిణామంతో షాక్‌కు గురైన భద్రతా సిబ్బంది వెంటనే తేరుకుని ట్రంప్‌కు రక్షణ కవచంలా నిలిచారు.

అనంతరం ఆయనను హుటాహుటిన ఆసుపత్రికి తరలించారు.ప్రస్తుతం ట్రంప్ పరిస్ధితి నిలకడగానే ఉందని అధికారులు తెలిపారు.

అప్పటికే ఈ కార్యక్రమాన్ని మీడియా ప్రత్యక్ష ప్రసారం చేయడంతో కాల్పుల ఘటనకు సంబంధించిన ఫోటోలు, వీడియోలు సోషల్ మీడియాలో వైరల్ అవుతున్నాయి.