కేంద్ర హోం మంత్రి అమిత్ షాతో భేటీ అయిన పవన్ కళ్యాణ్..!!

ఈ భేటికి ముందు తెలంగాణలో జనసేన 30కి పైగా స్థానాలలో పోటీ చేయబోతున్నట్లు పవన్ ప్రకటించారు.కానీ కిషన్ రెడ్డి భేటీ అనంతరం బీజేపీతో కలసి జనసేన పోటీ చేయనున్నట్లు తెలుస్తోంది.దీంతో తెలంగాణలో ఎక్కడెక్కడ రెండు పార్టీలు కలిసి పోటీ చేయాలి అనేదానిపై అమిత్ షాతో పవన్ చర్చలు జరుగుతున్నట్లు తెలుస్తోంది.

ఇదిలా ఉంటే మరో రెండు రోజులపాటు పవన్ కళ్యాణ్ ఢిల్లీలోనే ఉంటారని సమాచారం.ఈ క్రమంలో పలువురు బీజేపీ అగ్ర నాయకులతో తెలంగాణలో సీట్ల పంపకంతో పాటు ఏపీ రాజకీయాల విషయంలో కూడా పవన్ చర్చలు జరపనున్నట్లు వార్తలు వస్తున్నాయి.

దీంతో పవన్ కళ్యాణ్ ఢిల్లీ పర్యటన రెండు తెలుగు రాష్ట్ర రాజకీయాల్లో సంచలనంగా మారింది.