ఓవర్సీస్ లో మరో రేర్ రికార్డ్ సాధించిన హనుమాన్.. రాజమౌళి, ప్రశాంత్ నీల్ తర్వాత ప్రశాంత్ వర్మ అనేలా?

సంక్రాంతి సినిమాలలో( Sankranti Movies ) బడ్జెట్, కలెక్షన్స్ లెక్కల ప్రకారం బిగ్గెస్ట్ హిట్ ఏదనే ప్రశ్నకు హనుమాన్ సినిమా పేరు సమాధానంగా వినిపిస్తుంది.

హనుమాన్ మూవీ( Hanuman Movie ) ఇప్పటివరకు 150 కోట్ల రూపాయల కలెక్షన్లను సొంతం చేసుకున్న సంగతి తెలిసిందే.

ఈ కలెక్షన్లు గ్రాస్ కలెక్షన్లు కాగా త్వరలో 100 కోట్ల రూపాయల షేర్ కలెక్షన్లను సొంతం చేసుకున్న సినిమాల జాబితాలో ఈ సినిమా కూడా నిలిచే అవకాశం అయితే ఉంది.అయితే ఓవర్సీస్ లో హనుమాన్ ఖాతాలో సరికొత్త రికార్డులు చేరుతున్నాయి.

ఓవర్సీస్ టాప్ 5 సినిమాల జాబితాలో హనుమాన్ చేరింది.ఈ సినిమా ఓవర్సీస్ లో ఇప్పటివరకు 3.7 మిలియన్ డాలర్ల కలెక్షన్లను సొంతం చేసుకుంది.4వ స్థానంలో 8 మిలియన్ డాలర్ల కలెక్షన్లతో బాహుబలి 1( Baahubali 1 ) ఉండగా ఆ కలెక్షన్లను ఈ సినిమా బ్రేక్ చేసే ఛాన్స్ అయితే లేదని కామెంట్లు వ్యక్తమవుతూ ఉండటం గమనార్హం.