మందుబాబులకు కిక్కిచ్చే న్యూస్.. భారీగా తగ్గనున్న మద్యం ధరలు

దేశంలో మద్యం సేవించేవారి సంఖ్య రోజురోజుకి పెరిగిపోతుంది.ప్రభుత్వాలే నేరుగా మద్యం విక్రయాలు చేస్తూ రాష్ట్ర ఖజానాకు ఆదాయంను పెంచుకుంటోంది.

మద్యం అమ్మకాల ద్వారానే ప్రభుత్వాల ఖజానాలకు భారీగా ఆదాయం వస్తోంది.దీంతో మరింత ఆదాయం కోసం ప్రభుత్వాలు మద్యం అమ్మకాలపై ఎక్కువగా దృష్టి పెడుతున్నాయి.

మద్యం ధరలను తగ్గిస్తూ మందుబాబులకు ఆఫర్లు ప్రకటిస్తున్నాయి.అసలే సమ్మర్ కావడంతో మద్యం అమ్మకాలు మరింతగా పెరిగిపోయాయి.

వేసవి కాలం దృష్ట్యా ఎండ వేడిని తట్టుకునేందుకు చల్లని బీర్లు, మందు తాగుతూ మందుబాబులు చిల్ అవుతున్నారు.ఈ క్రమంలో తాజాగా పంజాబ్ ప్రభుత్వం కొత్త మద్యం పాలసీని అమల్లోకి తెచ్చింది.2022-23 సంవత్సరానికి సంబంధించి ఆమ్ ఆద్మీ ప్రభుత్వం మద్యం పాలసీని జులై 1 నుంచి అమల్లోకి తీసుకురానుంది.ఈ పాలసీ ద్వారా అపరిమిత కోటా బీర్, ఇండియన్ మేడ్ ఫారిన్ లిక్కర్ అమ్మకాలను పంజాబ్ ప్రభుత్వం అనుమతించనుంది.

ఈ నిర్ణయం వల్ల పంజాబ్ లో మద్యం ధరలు 35 నుంచి 60 శాతం వరకు భారీగా తగ్గనున్నాయి.