కత్తి మహేష్‌కు ఇది శిక్షా? లేదంటే ప్రమోషనా?

కత్తి మహేష్‌ గత కొంత కాలంగా ఏపీ సీఎం చంద్రబాబు నాయుడు మరియు నారా లోకేష్‌పై కూడా తీవ్ర స్థాయిలో విమర్శలు చేస్తున్న విషయం తెల్సిందే.ఈ సమయంలోనే కత్తి మహేష్‌ను ఆంధ్రప్రదేశ్‌కు పంపించడంతో అక్కడ పరిస్థితి సీరియస్‌ అయ్యే అవకాశాలు కనిపిస్తున్నాయి.కత్తి మహేష్‌ మీడియాలో ఎక్కువగా తెలుగు దేశం పార్టీకి వ్యతిరేకంగా మాట్లాడుతూ వస్తున్నాడు.

ఆ కారణంగానే వైకాపా నుండి కత్తి మహేష్‌ ఎంపీ స్థానం నుండి ఆశిస్తున్నాడు అంటూ కూడా ప్రచారం జరుగుతుంది.ఈ సమయంలోనే వ్యాఖ్యలు చేయడం, హైదరాబాద్‌ బహిష్కరణకు గురికావడం ఏపీకి వెళ్లవల్సి రావడం కత్తి మహేష్‌కు లాభం చేకూర్చే అంశం అంటూ కొందరు రాజకీయ విశ్లేషకులు అభిప్రాయం వ్యక్తం చేస్తున్నారు.

కత్తి మహేష్‌కు ప్రస్తుతం ఇష్యూతో మరింత పబ్లిసిటీ దక్కే అవకాశం ఉంది.త్వరలోనే కత్తి మహేష్‌ వైకాపా తీర్థం పుచుకునే అవకాశం ఉంది.ఈ నేపథ్యంలో ఆయనకు వచ్చిన ఇమేజ్‌తో సునాయాసంగానే సీటును ఇచ్చేందుకు జగన్‌ ఆసక్తి చూపించే అవకాశం ఉంది.

ఏపీ నుండి కూడా కత్తి మహేష్‌ను బహిష్కరిస్తే అప్పుడు ఏం జరుగుతుందనేది ప్రస్తుతం చర్చనీయాంశం.ఒకవేళ ఏపీ నుండి బహిష్కరణకు గురైతే ఖచ్చితంగా కత్తి మహేష్‌ కోర్టును ఆశ్రయించే అవకాశం ఉందని, అలా కూడా కత్తి మహేష్‌కు లాభం చేకూరుతుందనే అభిప్రాయం వ్యక్తం అవుతుంది.

మొత్తానికి కత్తి మహేష్‌కు రాజకీయ ఇమేజ్‌ భారీగా వచ్చే అవకాశం ఉంది.