నిద్ర‌లో కాలి పిక్క‌లు ప‌ట్టేస్తున్నాయా ? అయితే ఇది మీ కోసమే

సాధారణంగా మనలో చాలా మందికి నిద్రలో తొడ కండ‌రాలు లేదా కాలి పిక్క‌లు పట్టేస్తూ ఉంటాయి.అయితే కొంతమందిలో పగటి సమయంలో కూడా ఇలా పెట్టేస్తూ ఉంటాయి.

 Muscle Cramps Home Remedies-TeluguStop.com

ఈ విధంగా కాలి కండరాలు పట్టేయటానికి అనేక కారణాలు ఉన్నాయి.దీర్ఘ కాలిక అనారోగ్య సమస్యలు,పెరిగే వయస్సు,పోషకాహార లోపం,వ్యాయామం చేసే సమయంలో తొడ కండ‌రాలు లేదా పిక్క‌లు పట్టేస్తూ ఉంటాయి.

ఈ సమయంలో భరించరాని నొప్పి ఉంటుంది.ఇప్పుడు చెప్పే చిట్కాలను పాటిస్తే కొంత ఉపశమనం కలుగుతుంది.

తొడ కండ‌రాలు లేదా కాలి పిక్క‌లు ప‌ట్టేసిన‌ప్పుడు ఆ ప్రదేశంలో ఐస్ ప్యాక్ ను కొంచెం సేపు ఉంచితే నొప్పి నుండి ఉపశమనం కలుగుతుంది.

కొబ్బ‌రినూనె, ఆలివ్ ఆయిల్‌, ఆవ నూనెల‌ను సమాన పరిమాణంలో తీసుకోని గోరువెచ్చగా చేసి నొప్పి ఉన్న ప్రదేశంలో రాసి 5 నిముషాలు సున్నితంగా మసాజ్ చేస్తే బిగుసుకుపోయిన కండ‌రాలు సాగి నొప్పి తగ్గుతుంది.

కొబ్బరినూనెలో కొన్ని లవంగాలు వేసి మరిగించాలి.కొంచెం చల్లారాక ఈ నూనెను నొప్పి ఉన్న ప్రదేశంలో రాసి మసాజ్ చేస్తే మంచి ఫలితం ఉంటుంది.

నీరు త‌గినంతగా తాగ‌క‌పోతే డీహైడ్రేషన్ సమస్య వస్తుంది.ఇలా డీహైడ్రేషన్ సమస్య ఉన్నవారిలో కూడా కాలి కండరాలు పట్టేస్తూ ఉంటాయి.

ఇటువంటి వారు తగినంతగా నీరు త్రాగితే ఈ సమస్య నుండి బయట పడవచ్చు.

శరీరంలో సరైన మోతాదులో పొటాషియం లేకపోయినా కాలి కండరాలు పట్టేస్తూ ఉంటాయి.

అలాంటివారు పొటాషియం సమృద్ధిగా ఉన్న ఆహారాలను తీసుకోవాలి.

తెలుగు ఆరోగ్య టిప్స్, వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube

తాజా వార్తలు