అల్లరి చేస్తున్న మేనకోడల్ని చంపేసిన మేనత్త..సోఫా కింద మృతదేహం లభించడంతో..!

ఇంట్లో మొత్తం సోదాలు నిర్వహించగా.బాలిక మృతదేహం మేడ మీద గదిలో ఉండే సోఫా కింద లభించింది.బాలిక మృతదేహాన్ని పోలీసులు పోస్టుమార్టంకు తరలించారు.

బాలికను ఎవరో ఊపిరి ఆడనీయకుండా చేసి చంపారని పోలీసుల విచారణలో తెలిసింది.అయితే పోలీసులకు మృతురాలి మేనత్త అప్సానాపై అనుమానం వచ్చింది.

దీంతో పోలీసుల ప్రశ్నలకు సరైన సమాధానాలు చెప్పలేక అప్సానా అడ్డంగా దొరికిపోయింది.సోమవారం మధ్యాహ్నం ఎలిజా తన మేనత్త అప్సానా గదికి వెళ్ళింది.

అయితే అప్సానా కిందకు వెళ్లాలని ఎలిజాకు చెబితే.ఎలిజా కిందకు వెళ్లలేదు.

దీంతో కోపంతో మేనకోడలి చెంపపై ఒక దెబ్బ కొట్టింది.ఎలిజా బిగ్గరగా ఏడుస్తూ అప్సానాకు చిరాకు తెప్పించింది.

క్షణికావేశంలో దిండుతో ఎలిజా ముఖంపై గట్టిగా నొక్కి, ఊపిరి ఆడనీయకుండా చేసి చంపేసింది.ఎలిజా మృతదేహాన్ని ఎవరు కనిపెట్టకుండా ఉండడం కోసం సోఫా కింద బాలిక మృతదేహాన్ని దాచింది.

పోస్టుమార్టం నివేదిక రాగానే అప్సానపై పలు సెక్షన్ల కింద కేసు నమోదు చేస్తామని పోలీసులు తెలిపారు.ఈ హత్య కేసులో అప్సానాకు జీవిత ఖైదు పడే అవకాశం ఉంది.