సమీపంలో ఏదైనా కోతి( Monkey ) వస్తే మనకు భయం పుడుతుంది.అది ఎక్కడ దాడి చేస్తుందో అనే ఆందోళన లోలోపల ఉంటుంది.
సామాన్యులైతే పరుగులు పెట్టి తప్పించుకోగలరు.అదే అస్వస్థత తలెత్తి నీరసంగా ఉన్న వారి దగ్గరికి కోతి వస్తే అంతే సంగతులు.
ఇదే కోవలో ఢిల్లీలోని( Delhi ) రామ్ మనోహర్ లోహియా ఆసుపత్రి (ఆర్ఎంఎల్)లోని ఆపరేషన్ థియేటర్లోకి కోతి ప్రవేశించింది.ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది.
ఆస్పత్రిలోని ఆపరేషన్ థియేటర్లో భారీ కోతి సంచరిస్తుండడం వీడియోలో కనిపిస్తోంది.ఆసుపత్రిలోని న్యూరోసర్జరీ విభాగంలోని ఆపరేషన్ థియేటర్లోకి కోతి చొరబడింది.
ఆసుపత్రికి చెందిన ఆపరేషన్ థియేటర్ ఉద్యోగి కోతిని ఆపరేషన్ థియేటర్ నుంచి తరిమికొట్టేందుకు ప్రయత్నిస్తున్న దృశ్యాలు వీడియోలో కనిపిస్తున్నాయి.రామ్ మనోహర్ లోహియా( Ram Manohar Lohia Hospital ) దేశ రాజధానిలో ఎయిమ్స్, సఫ్దర్జంగ్ తర్వాత మూడవ అతిపెద్ద ఆసుపత్రిగా పేరొందింది.అలాంటి పెద్ద ఆసుపత్రిలో గురువారం (సెప్టెంబర్ 7)న ఈ ఘటన జరిగింది.వైద్యులు, ఆపరేషన్ థియేటర్ అసిస్టెంట్లు, అందులో పని చేసే నర్సులు మాత్రమే ఆపరేషన్ థియేటర్లోకి( Operation Theater ) ప్రవేశం ఉంటుంది.
ఆసుపత్రిలోని ఈ నిషేధిత ప్రాంతంలోకి కోతి నిర్భయంగా ప్రవేశించింది.కోతిని చూసి రోగులు, వారికి సహాయకులు భయపడ్డారు.
రామ్ మనోహర్ లోహియా ఆస్పత్రి యాజమాన్యం నిర్లక్ష్యం వల్లే ఇలా జరిగిందని వారు పేర్కొన్నారు.ఆసుపత్రి సిబ్బంది, ఆసుపత్రి సెక్యూరిటీ సభ్యుల నిర్లక్ష్యం కారణంగా కోతి ఆపరేషన్ థియేటర్లోకి ప్రవేశించింది.ఆస్పత్రిలోని ఆపరేషన్ థియేటర్లోకి కోతి రావడంతో ఆస్పత్రిలోని రోగులు భయాందోళనకు గురయ్యారు.న్యూరో సర్జరీ( Neuro Surgery ) విభాగంలోని ఆపరేషన్ థియేటర్లో ఉన్న కోతిని కర్ర సహాయంతో ఆస్పత్రి సిబ్బంది తరిమికొట్టారు.
వారు కోతిని తరిమికొట్టేందుకు ప్రయత్నిస్తున్న దృశ్యాలను వీడియోలో చూడవచ్చు.అదృష్టవశాత్తూ, కోతి ఆసుపత్రిలో రచ్చ సృష్టించలేదు.ఆసుపత్రిలో చేరిన రోగులకు హాని చేయలేదు.ప్రియాసింగ్ అనే ట్విట్టర్ యూజర్ షేర్ చేసిన ఈ వీడియో నెట్టింట వైరల్ అవుతోంది.