Varun Tej : రిస్క్ తీసుకుంటున్న కూడా వరుణ్ తేజ్ కి లక్కు కలిసి రావడం లేదు.. పాపం !

మెగా ఫ్యామిలీ( Mega Family ) నుంచి వచ్చి, మెగా అండదండలు మెండుగా ఉన్నా కూడా ఎందుకో వరుణ్ తేజ్ ( Varun Tej )మీడియం హీరోగా కూడా సరిగ్గా రాణించలేకపోతున్నాడు అనేది అందరూ ఒప్పుకోవాల్సిన విషయం.ఎందుకంటే మీడియం రేంజ్ చిత్రాలు తీస్తున్న హీరోలు అంతా కూడా వరుస పెట్టి విజయాలు సాధిస్తుంటే వరుణ్ తేజ్ ఆ రేసులో వెనుకబడి పోతున్నాడు.

2014లో అంటే దాదాపు పది సంవత్సరాల క్రితం ముకుందా సినిమాతో ఇండస్ట్రీకి వచ్చాడు వరుణ్ తేజ్.ఆ తర్వాత కంచె, లోఫర్, మిస్టర్, ఫిదా, తొలిప్రేమ, అంతరిక్షం, నాన్న కూచి, ఎఫ్ 2, గద్దల కొండ గణేష్, ఘని, ఎఫ్ 3 , గాండీవదారి అర్జున వంటి 13 చిత్రాల్లో నటించాడు.

అయితే ఈ పదేళ్లలో కేవలం 13 సినిమాలు తీసిన వరుణ్ తేజ్ ఇప్పుడు ఆపరేషన్ వాలెంటైన్( Operation Valentine ) అనే సినిమాతో మరోమారు ప్రేక్షకుల ముందుకు రాబోతున్నాడు.