అన్నంత పనీ చేసిన మైనంపల్లి ! ఏ పార్టీలో చేరుతున్నారో.. ?

తనకు టికెట్ దక్కినా , తన కుమారుడికి టికెట్ దక్కకపోవడంతో అలక చెందిన మల్కాజ్ గిరి బీఆర్ఎస్ ఎమ్మెల్యే మైనంపల్లి హనుమంతరావు( Mainampalli hanumanth Rao ) పార్టీ అధిష్టానంపై అసంతృప్తితోనే ఉంటూ వచ్చారు.

తన కుమారుడికి టికెట్ ఇవ్వాల్సిందేనని బీఆర్ ఎస్ కు అల్టిమేటం జారీ చేశారు .

టికెట్ ఇవ్వకపోతే తన రాజకీయ భవిష్యత్తు తాను చూసుకుంటానని, పార్టీని వీడెందుకు కూడా సిద్ధమని,  బిజెపి కాంగ్రెస్  నుంచి తనకు ఆహ్వానాలు అందుతున్నాయి అని మైనంపల్లి ప్రకటించారు.అయితే మైనంపల్లి బెదిరింపులను బీఆర్ఎస్ పట్టించుకోలేదు.

మైనంపల్లి కుమారుడికి టికెట్ కేటాయించేందుకు ఇష్టపడకపోవడంతో , తాజాగా బీఆర్ఎస్ కు రాజీనామా చేస్తూ మైనంపల్లి నిర్ణయం తీసుకున్నారు.అయితే ఏ పార్టీలో చేరబోయేది తాను త్వరలోనే ప్రకటిస్తానని ఆయన క్లారిటీ ఇచ్చారు.