కుంభమేళా( Kumbh Mela ) అంటే ప్రపంచంలోనే అతిపెద్ద ఆధ్యాత్మిక ఉత్సవం.ఇక్కడ భక్తి, పూజలు ఒకవైపు జరిగినా, వ్యాపారాలు కూడా భారీగా జరుగుతుంటాయి.
రకరకాల వస్తువులు, వీధి ఆహారాలు అమ్మేవాళ్లతో ఆ ప్రాంతమంతా సందడిగా ఉంటుంది.ఇలాంటి సందడిలో, కంటెంట్ క్రియేటర్ శుభమ్ ప్రజాపతి( Shubham Prajapat ) ఒక కొత్త ఛాలెంజ్ తీసుకున్నాడు.
కుంభమేళాలో టీ స్టాల్( Kumbh Mela Tea Stall ) పెట్టి ఒక్క రోజులో ఎంత సంపాదించగలడో చూడాలనుకున్నాడు.రిజల్ట్ చూసి చాలామంది షాకయ్యారు.ఒక్క రోజులోనే ఏకంగా రూ.5 వేలు లాభం సంపాదించాడు.ఈ విషయం వీడియో తీసి యూట్యూబ్ లో పెట్టగానే వైరల్ అయిపోయింది.
“కుంభమేళాలో టీ అమ్ముతూ” అంటూ శుభమ్ ప్రజాపతి పెట్టిన వీడియోలో మొత్తం జర్నీ చూపించాడు.చిన్న టీ బండితో మొదలుపెట్టి రోజంతా కస్టమర్లకు టీ అమ్మడం చూపించాడు.ఉదయం పూట బాగా రద్దీగా ఉండటంతో చాలామంది టీ తాగడానికి వచ్చారు.మధ్యాహ్నం కాస్త నెమ్మదించినా, ఖాళీగా కూర్చోకుండా సాయంత్రానికి ప్లాన్ మార్చాడు.గుంపులు గుంపులుగా తిరుగుతున్న జనాలకు టీ, వాటర్ బాటిల్స్ అమ్మడం మొదలుపెట్టాడు.రోజు మొత్తం మీద రూ.7 వేల టీ అమ్మితే, అందులో 5 వేలు లాభం వచ్చింది.
ఈ వీడియో చూసిన నెటిజన్లు రకరకాలుగా స్పందించారు.కొందరు శుభమ్ బిజినెస్ టెక్నిక్స్ ని మెచ్చుకుంటే, మరికొందరు నెలకి ఎంత సంపాదిస్తాడో లెక్కలు వేశారు.“ఒక్క రోజుకి 5 వేలు అంటే, 30 రోజుల్లో లక్షా 50 వేలు సంపాదిస్తాడుగా” అంటూ ఒకరు కామెంట్ పెట్టారు.ఇంకొందరు అయితే నాగ్‌పూర్‌కి చెందిన ఫేమస్ టీ అమ్మే వ్యక్తి డాలీ చాయ్‌వాలాతో పోల్చారు.
చాలామంది అయితే ఇంత లాభం చూసి ఆశ్చర్యపోయారు.“7 వేల సేల్స్, 5 వేల లాభమా? నిజంగా అమేజింగ్” అంటూ కామెంట్స్ పెట్టారు.కొందరు సరదాగా ఉద్యోగాలు, చదువులు మానేసి టీ అమ్మితే బాగుంటుందని జోకులు కూడా వేశారు.
కుంభమేళాలో ఇలా వైరల్ అయిన వాళ్లు శుభమ్ ఒక్కడే కాదు.
ఇంతకుముందు మోనాలిసా భోల్సే అనే మహిళ కూడా ఆన్‌లైన్‌లో బాగా ఫేమస్ అయ్యింది.కానీ ఆమె స్టోరీ మాత్రం వేరు.
ఆమె స్టాల్ చుట్టూ జనాలు ఎక్కువ కావడంతో రద్దీని తట్టుకోలేక షాపు మూసేసి కుంభమేళా నుండి వెళ్ళిపోయింది.ఏదేమైనా, శుభమ్ సక్సెస్ చూస్తే మాత్రం ఒక మంచి బిజినెస్ ఐడియా, సరైన ప్రదేశం, కష్టపడే తత్వం ఉంటే మంచి లాభాలు సంపాదించవచ్చని తెలుస్తుంది.
