ఢిల్లీలో కేటీఆర్ హరీష్ బిజి... కాంగ్రెస్ వైపు బీఆర్ఎస్ ఎమ్మెల్యేల చూపు

బీఆర్ఎస్ నుంచి కాంగ్రెస్ లోకి నాయకుల వలస పరంపర కొనసాగుతూనే ఉంది .

ప్రస్తుతం బీఆర్ఎస్ పార్టీ అధినేత కేసీఆర్ ఫామ్ హౌస్ కే పరిమితం కావడం, హరీష్ రావు , కేటీఆర్ లు ఇద్దరు ఢిల్లీలోనే గత వారం రోజులుగా మకాం వేయడం, ఢిల్లీ లిక్కర్ స్కాం వ్యవహారంలో అరెస్ట్ అయిన ఎమ్మెల్సీ కల్వకుంట్ల కవిత( Kalvakuntla Kavitha ) కు బెయిల్ కోసం ప్రయత్నాలు చేస్తూ ఉండడం, ఈ సందర్భంగా కాంగ్రెస్ పైన మీడియా సమావేశం నిర్వహించి విమర్శలు చేయడం వంటివ చోటు చేసుకుంటూ ఉండగా, బీఆర్ఎస్ ఎమ్మెల్యేలలో చాలామంది మాత్రం పార్టీ మారేందుకు ప్రణాళికను ముమ్మరం చేశారు.

ఇప్పటికే కొంతమంది బీఆర్ఎస్ ఎమ్మెల్యేలు టిడిపి అధినేత చంద్రబాబుతో భేటీ కాగా , మరి కొంతమందితో ఆ పార్టీలో చేరేందుకు మంతనాలు చేస్తున్నారు.ఇప్పటికే చాలామంది బీఆర్ఎస్ ఎమ్మెల్యేలు కాంగ్రెస్ కండువా కప్పుకున్నారు.