కోడిపుంజుని అరెస్టు చేసి లాకప్‌లో వేసిన పోలిసులు

మొన్నటికి మొన్న, గుజరాత్ లోని ఓ జూలో ముగ్గురు మనిషుల్ని చంపిందని ఓ పులికి జీవితఖైదు విధించారు ఆ జూ సిబ్బంది.అలాంటి విచిత్రమే ఖమ్మంలో జరిగింది.

 Khammam Police Arrested A Rooster And Kept In Lockup For One Day-TeluguStop.com

ఇక్కడ పులిని, సింహాన్ని కాకుండా ఒక కోడిపుంజుని అరెస్టు చేసి లాకప్ లో వేశారు పోలీసులు.కాని ఈ కోడిపుంజు ఏ మనిషిని చంపలేదు.

కనీసం గాయపర్చలేదు.అయినా లాకప్ లో వేసారు.

వినడానికి విచిత్రంగా ఉన్న ఈ విషయం ఇప్పుడు ఖమ్మం వాసులని ఆశ్చర్యానికి గురిచేస్తోంది.

విషయంలోకి వెళ్తే, ఆదివారం సాయంత్రంపూట నగరంలోని ఓ ప్రాంతంలో కోడిపుంజుల కొట్లాట మొదలైంది.

తెలిసిందేగా .ఇలాంటి ఆటలకు పర్మిషన్‌ లేదని.సమాచారం అందగానే పోలీసులు వెంటనే అక్కడికి బయలుదేరారు.కాని అప్పటికే పోలీసులు వస్తున్న విషయాన్ని తెలుసుకోని పందెంరాయుళ్ళు అక్కడినుంచి జంప్ అయిపోయారు.తప్పించుకున్న పందెంరాయుళ్ళని పట్టలేక, అక్కడే ఉన్న కోడిపుంజుని తమవెంట పట్టుకుపోయారు పోలీసులు.

తీసుకెళ్ళి వండుకోని తిన్నారా అంటే లేదు.

దాదాపుగా ఒక రోజంతా కోడిపుంజుని లాకప్ లో పెట్టేసారు.విషయం తెలుసుకున్న మీడియా పోలీస్ స్టేషన్ కి వచ్చి ఫోటోలు తీస్తుండటంతో, లాకప్ నుంచి కోడిపుంజుని బయటకితీసి, అక్కడే బయట కట్టేసారు.

అయితే ఇంతవరకు పందెంరాయుళ్ళ జాడ దొరకలేదట.

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube