పార్టీ ప్రక్షాళనకు సిద్ధమవుతున్న కేసీఆర్ .. ఆ కమిటీల రద్దు ?

తెలంగాణ అసెంబ్లీ ఎన్నికల్లో( Telangana assembly election ) బీఆర్ఎస్ ఘోరంగా ఓటమి చెందడంతో పాటు,  ఇటీవల జరిగిన పార్లమెంట్ ఎన్నికల్లో 17 స్థానాలకు గాను ఒక్క స్థానంలోనూ బీఆర్ఎస్( BRS ) అభ్యర్థులు విజయం సాధించకపోవడం వంటివి ఆ పార్టీలో నిరుత్సాహాన్ని కలిగిస్తున్నాయి.

బీఆర్ఎస్ పని అయిపోయిందని ,ఇక కోలుకునే ఛాన్స్ లేదనే ప్రచారం జరుగుతున్న నేపథ్యంలో , బీఆర్ఎస్ ను భారీగా ప్రక్షాళన చేయాలని ఆ పార్టీ అధినేత కేసీఆర్ నిర్ణయించుకున్నారు.

కేత్ర స్థాయిలో బలోపేతం చేసే విధంగా కేసీఆర్ ప్రణాళికలు సిద్ధం చేసుకున్నట్లు తెలుస్తోంది.గ్రామ స్థాయి నుంచి రాష్ట్రస్థాయి వరకు పార్టీని బలోపేతం చేయాలని కేసిఆర్ నిర్ణయించుకున్నారు .అసెంబ్లీ,  పార్లమెంట్ ఎన్నికల ఫలితాల తర్వాత పార్టీ పరిస్థితిపై కేసీఆర్ ( KCR )ఒక అంచనాకు వచ్చారు .పూర్తిస్థాయి కమిటీలు లేకపోవడంతో నష్టం జరుగుతోందని , పార్టీ కోసం మొదటి నుంచి పనిచేస్తున్న వారికి బాధ్యతలు అప్పగించాలని కెసిఆర్ కు అందిన సూచనలను అమలు చేసే దిశగా ఆయన ముందడుగు వేయబోతున్నారు.