ఆమె వెంటే ఆర్కే ? అందుకేనా ఈ తెగతెంపులు ?

వైసీపీ అధినేత,  ఏపీ సీఎం జగన్( AP CM Jagan ) కుటుంబానికి అత్యంత సన్నిహితుడుగా పేరుపొందిన మంగళగిరి వైసీపీ ఎమ్మెల్యే ఆళ్ల రామకృష్ణారెడ్డి( YCP MLA Alla Ramakrishna Reddy ) నిన్న కీలక నిర్ణయమే తీసుకున్నారు.

పార్టీకి , శాసనసభ్యత్వానికి రాజీనామా చేసి సంచలనం సృష్టించారు.

ఆయనను బుజ్జగించేందుకు వైసిపి కీలక నాయకులంతా ప్రయత్నించినా ఆయన మాత్రం తన నిర్ణయాన్ని మార్చుకునేందుకు ఇష్టపడలేదు.అసలు  ఆళ్ల రామకృష్ణారెడ్డి అసంతృప్తికి కారణాలు చాలానే ఉన్నాయి.2014 - 2019 అసెంబ్లీ ఎన్నికల్లో మంగళగిరి నుంచి ఆళ్ల గెలుపొందారు .2019లో టిడిపి జాతీయ ప్రధాన కార్యదర్శి నారా లోకేష్( Nara Lokesh ) పైన విజయం సాధించారు.ఆ ఎన్నికల ప్రచార సమయంలోనే ఆళ్ళను మంగళగిరి నుంచి గెలిపిస్తే మంత్రిని చేస్తానంటూ జగన్ నియోజకవర్గ ప్రజలకు హామీ ఇచ్చారు.

అయితే సామాజిక వర్గాల సమీకరణాల నేపథ్యంలో ఆళ్లకు మంత్రి పదవి దక్కలేదు.