యూకే సార్వత్రిక ఎన్నికల బరిలో భారత సంతతి మహిళ .. ఎవరీ హజీరా పిరానీ ..?

నేషనల్ హెల్త్ సర్వీస్ (ఎన్‌హెచ్ఎస్)ను రక్షించడాన్ని ఆమె నినాదంగా తీసుకున్నారు.76 ఏళ్ల క్రితం ఎన్‌హెచ్‌ఎస్‌ని స్థాపించిన లేబర్ పార్టీ మాత్రమే ఇప్పుడు వెయిటింగ్ లిస్ట్‌లను పరిష్కరించగలదని పిరానీ హైలైట్ చేస్తున్నారు.2019లో తాను సెప్సిస్ బారి నుంచి కోలుకున్నానని , తన ఊపిరితిత్తులు కుప్పకూలగా, వెంటిలేటర్‌పై ఉండాల్సి వచ్చిందని ఆమె గుర్తుచేసుకున్నారు.యూకే సెప్సిస్ ట్రస్ట్‌కు ( UK Sepsis Trust )తాను అంబాసిడర్‌గా ప్రచారం చేస్తున్నానని, సెస్పిస్ లక్షణాలను గుర్తించడంపై దక్షిణాసియా కమ్యూనిటీలలో అవగాహన పెంచుతున్నానని హజీరా వెల్లడించారు.

లేబర్ పార్టీ తరపున బరిలో నిలిచేందుకు కూడా ఇది ఒక కారణమన్నారు.ఎన్‌హెచ్ఎస్‌ను సృష్టించిన పార్టీగా, దానిని రక్షించగలిగింది లేబర్ పార్టీయే అన్నారు.మానవ అక్రమ రవాణా బాధితులకు మద్ధతుగా నిలిచే యూకేలోని అనేక స్వచ్ఛంద సేవా సంస్థలలో పిరానీ చురుగ్గా పాల్గొన్నారు.