14 గంటలకు పైగా పని గంటలు ఉండాల్సిందే .. ఈ అమెరికన్ సీఈవోది నారాయణ మూర్తి బాటే

అభివృద్ధి చెందిన దేశాల సరసన భారత్ చేరాలంటే మన కుర్రాళ్లు వారానికి 70 గంటలు పనిచేయాలంటూ ఇన్ఫోసిస్ సహ వ్యవస్ధాపకుడు ఎన్ఆర్ నారాయణ మూర్తి( NR Narayana Murthy ) కొద్దిరోజుల క్రితం చేసిన వ్యాఖ్యలు దుమారం రేపిన సంగతి తెలిసిందే.

మనదేశంలో ఇప్పటికీ 80 కోట్ల మంది ఉచిత రేషన్ అందుకుంటున్నారని.

అంటే వాళ్లంతా పేదరికంలో ఉన్నట్లే కదా అని నారాయణ మూర్తి వ్యాఖ్యానించారు.వారానికి 70 గంటలు పనిచేయకుంటే పేదరికాన్ని మనదేశం ఎలా అధిగమిస్తుందని ఆయన ప్రశ్నించారు.

దీనిపై అప్పట్లోనే కార్పోరేట్ ప్రపంచం, యువత రకరకాలుగా స్పందించిన సంగతి తెలిసిందే.మరికొద్దిరోజుల్లో 2024కి ఎండ్ కార్డ్ పడుతున్న దశలో మరోసారి నారాయణ మూర్తి వ్యాఖ్యలు చర్చనీయాంశమయ్యాయి.

పనిగంటల పొడిగింపుకి సంబంధించి నారాయణ మూర్తి అభిప్రాయాలను సమర్ధించిన వారిలో ఓలా సీఈవో భవిష్ అగర్వాల్( OLA CEO Bhavish Aggarwal ) కూడా ఉన్నారు.మూర్తి, అగర్వాల్ ఇద్దరూ మెరుగైన భారతదేశాన్ని నిర్మించడానికి ఎక్కువ పనిదినాలు ఉండాల్సిన అవసరం ఉందని బలంగా చెబుతున్నారు.

కానీ కొన్ని సెక్షన్లు మాత్రం వీరిద్దరిపై విమర్శలు చేస్తున్నాయి.