తెలంగాణ లో కాంగ్రెస్ పార్టీ అధికారం లోకి వస్తే పవన్ కళ్యాణ్ సినిమాలకు చుక్కలు చూపిస్తారా?

సినిమాల్లో ఉంటే రాజకీయాలు చెయ్యకూడదు, రాజకీయాల్లో ఉంటే సినిమాలు చెయ్యకూడదు అని పెద్దలు అంటూ ఉంటారు.

ఎందుకంటే రెండు రంగాలు కూడా మహాసముద్రలు వంటివి, ఒకేసారి రెండు పడవల మధ్య కాళ్ళు పెట్టి ప్రయాణించడం అసాధ్యం.

ఇప్పటి వరకు ఎవరూ అలా సక్సెస్ సాధించలేకపోయారు.కానీ పవన్ కళ్యాణ్ ( Pawan Kalyan )మాత్రం సక్సెస్ కోసం తెగ ప్రయత్నం చేస్తున్నాడు.

కెరీర్ పీక్ రేంజ్ లో ఉన్నప్పుడే ఆయన జనసేన పార్టీ స్థాపించి రాజకీయ అరంగేట్రం చేసాడు.తొలుత అసెంబ్లీ ఎన్నికలలో పోటీ చెయ్యకుండా కేవలం టీడీపీ - బీజేపీ కి సపోర్టు ఇచ్చి ఆ కూటమి అధికారం లోకి రావడానికి కారణం అయ్యాడు.

ముఖ్యంగా అప్పట్లో ఆయన కాంగ్రెస్ హటావో.దేశ్ బచావో అనే నినాదం తో కాంగ్రెస్ పార్టీ లో ఏ స్థాయి వణుకు పుట్టించాడో మన అందరికీ తెలిసిందే.

ఆంధ్ర ప్రదేశ్ లో కాంగ్రెస్ తుడిచిపెట్టుకొని పోవడానికి ఒక విధంగా పవన్ కళ్యాణ్ ఎన్నికల ప్రచారం కూడా ఒక కారణం అని చెప్పడం లో ఎలాంటి అతిశయోక్తి లేదు.