Harvard University : చనిపోయిన మహిళ చర్మంతో పుస్తకానికి బైండింగ్.. తొలగించిన హార్వర్డ్ లైబ్రరీ..

హార్వర్డ్ యూనివర్సిటీ( Harvard University ) 19వ శతాబ్దానికి చెందిన ఒక పుస్తకం నుంచి మానవ చర్మంతో చేసిన బైండింగ్‌ను తొలగించాలని నిర్ణయించుకుంది.ఈ పుస్తకం హౌటన్ లైబ్రరీ( Houghton Library )లో ఉంది.

పుస్తకం చరిత్ర గురించి తెలుసుకుంటే.ఈ పుస్తకం పేరు “డెస్ డెస్టినీస్ డి ఎల్’అమె” (డెస్టినీస్ ఆఫ్ ది సోల్), దీని రచయిత ఆర్సేన్ హౌస్సే (ఫ్రెంచ్ నవలా రచయిత), ముద్రణ సంవత్సరం 1800 కాలం.

మాజీ యజమాని డాక్టర్ లుడోవిక్ బౌలాండ్ (ఫ్రెంచ్ వైద్యుడు, గ్రంథకర్త)( Dr.Ludovic Bouland ) పుస్తకాన్ని బైండ్ చేయడానికి ఒక మరణించిన మహిళా రోగి చర్మాన్ని ఉపయోగించాడు.

ఆ చర్మం( Human Skin ) రోగి అనుమతి లేకుండా తీసుకున్నారు.పుస్తకం మూలం, చరిత్ర చుట్టూ ఉన్న నైతిక ఆందోళనల వల్ల హార్వర్డ్ హ్యూమన్‌ స్కిన్ బైండింగ్‌ను తొలగించాలని నిర్ణయించుకుంది.హార్వర్డ్ యూనివర్సిటీ మానవ చర్మంతో బైండ్ చేసిన పుస్తకం గురించి క్షమాపణలు చెప్పింది.ఈ పుస్తకం 1934 నుండి హార్వర్డ్ సేకరణలలో భాగమైనప్పటికీ, 80 సంవత్సరాల తరువాత శాస్త్రీయ విశ్లేషణ దాని అసాధారణ బైండింగ్‌ను నిర్ధారించింది.

2014లో, యూనివర్సిటీ ఒక బ్లాగ్ పోస్ట్‌లో పుస్తకం కవర్ గురించిన నిజాన్ని బహిరంగంగా అంగీకరించింది.దురదృష్టవశాత్తూ, ఆ పోస్ట్ టోన్-సెన్సేషనల్, మీడియా కవరేజీకి దారితీసింది.హార్వర్డ్ లైబ్రరీ ఇటీవలి హౌటన్ లైబ్రరీ సమీక్షను అనుసరించింది.యూనివర్శిటీ ఆ సమీక్షను పరిగణలోకి తీసుకుంటూ మ్యూజియం కలెక్షన్స్‌లో మానవ అవశేషాలపై తగిన యాక్షన్ తీసుకుంది.ఈ మానవ అవశేషాలకు తగిన, గౌరవప్రదమైన వైఖరిని నిర్ణయించడానికి విశ్వవిద్యాలయం ఇప్పుడు పని చేస్తోంది.మనుషుల చర్మాన్ని ఇలా వస్తువులకు వాడటం మృతులను అవమానించినట్లే అవుతుందని హార్వర్డ్ యూనివర్సిటీ ఒప్పుకుంది.