17 సంవత్సరాలు పూర్తి చేసుకున్న గోదావరి...

ఆనంద్ లాంటి ఒక మంచి సినిమా తర్వాత శేఖర్ కమ్ముల తీసే సినిమా ఎంటి అని అందరికీ ఒక క్యూరియాసిటి అయితే ఉండేది కానీ ఆయన మళ్ళీ ఒక మంచి ఫ్యామిలీ ఎంటర్ టైనర్ తీశాడు అదే గోదావరి.

పవన్ కళ్యాణ్ తో ‘తొలిప్రేమ’ వంటి బ్లాక్ బస్టర్ సినిమాని నిర్మించిన జి.

వి.జి రాజు ఈ చిత్రానికి నిర్మాత.2006 వ సంవత్సరం మే 19న ఈ చిత్రం విడుదలయ్యింది.‘పోకిరి’ వంటి పెద్ద సినిమాల నడుమ విడుదలైన ఈ చిత్రం సైలెంట్ గా హిట్టు కొట్టేసింది.

ఎటువంటి అంచనాలు లేకుండా విడుదలైన ఈ చిత్రానికి మొదటి షోతోనే పాజిటివ్ టాక్ లభించింది.దీంతో ప్రేక్షకులు ఈ చిత్రాన్ని థియేటర్లలో బాగానే చూసారు.ఇప్పటికీ బుల్లితెరపై కూడా మిస్ కాకుండా చూస్తున్నారు.

ఇది ఒక క్లాసిక్ అని చెప్పొచ్చు.ప్రఖ్యాత ఐ.ఎం.డి.బి లో ఈ చిత్రానికి 7.9/ 10 రేటింగ్ ఉండటం అనేది ప్రత్యేకంగా చెప్పుకోవాలి.నేటితో ఈ చిత్రం రిలీజ్ అయ్యి 17 ఏళ్ళు పూర్తి కావస్తోంది.

అందుకే ‘#17Years for godhavari అనే హ్యాష్ ట్యాగ్ తో సోషల్ మీడియాలో ట్రెండ్ అవుతుంది.