అదానీకి మద్దతు పలికిన ఆస్ట్రేలియా మాజీ ప్రధాని.. హిండెన్‌బర్గ్ రిపోర్టుపై విమర్శలు

అదానీ సంస్థలు తమ సంపద విలువను పెంచుకునేందుకు లేని లాభాలను చూపినట్లు హిండెన్‌బర్గ్ రిపోర్టు వెల్లడించింది.

చాలా స్కామ్‌లు చేసి సంపదను వందల రెట్లు పెంచుకున్నట్లు ఆరోపించింది.

ఈ పరిస్థితుల్లో అదానీ కంపెనీల షేర్ల విలువ భారీగా పడిపోయింది.అంతేకాకుండా ప్రభుత్వ మద్దతుతోనే అదానీ సంపద లక్షల కోట్లు పెరిగిందని దేశంలో ప్రతిపక్షాలు ఆరోపించాయి.

ఈ తరుణంలో అదానీకి ఆస్ట్రేలియా మాజీ ప్రధాన మంత్రి టోనీ అబోట్ మద్దతుగా నిలిచారు.అమెరికన్ షార్ట్ సెల్లర్ హిండెన్‌బర్గ్ నివేదికపై దారుణమైన వ్యాఖ్యలు చేశారు.

ఆస్ట్రేలియాలో అదానీ గ్రూప్ చూపిన నమ్మకానికి తాను కృతజ్ఞుడను అని ఆయన అన్నారు.