Mayabazar: మాయాబజార్ కోసం ముందు అనుకున్న టైటిల్ ఏంటో మీకు తెలుసా ?

మాయాబజార్ మూవీ( Mayabazar ) తెలుగు సినిమా చరిత్రలోనే అత్యంత గొప్ప చిత్రంగా నిలిచిపోయింది.ఈ హిందూ మైథాలజికల్ ఫిలిం 1957లో విడుదలైంది.

ఈ మూవీ రిలీజ్ అయి చాలా దశాబ్దాలు అవుతున్నా దీనిని ఇంకా తెలుగు ప్రేక్షకులు మరిచిపోలేదు.ఇప్పటి తరం వారిని కూడా ఈ సినిమా అలరిస్తోంది.

ఈ చిత్రం మహాభారతం పురాణంలోని శశిరేఖ పరిణయం కథ ఆధారంగా రూపొందించబడింది.ఈ చిత్రం మొదట "శశిరేఖ పరిణయం"( Sasirekha Parinayam ) అనే టైటిల్‌తో విడుదల చేద్దామని మేకర్స్ అనుకున్నారు.

చిత్ర యూనిట్ మొత్తం ఈ టైటిల్‌నే సరైనదిగా భావించింది.అయితే, దర్శక పితామహుడు కె.వి.రెడ్డి( KV Reddy ) మాత్రం ఈ టైటిల్‌కు అభ్యంతరం వ్యక్తం చేశారు.కె.వి.రెడ్డి ఈ చిత్రం గురించి లోతుగా ఆలోచించిన తర్వాత, ఈ చిత్రం కథలోని మాయ అనే అంశంపై దృష్టి పెట్టారు.ఈ సినిమాలోని ప్రతి క్యారెక్టర్‌ను మాయ ఆకర్షిస్తుంది.

అందరూ మాయను నమ్ముతారు.కృష్ణుడు ఈ చిత్రంలో మాయను సృష్టించి, అభిమన్యుడు-శశిరేఖల వివాహాన్ని సాధిస్తాడు.