ఫాదర్‌ ఆఫ్‌ బీస్‌.. ఈయన ఎక్కడ ఉంటే అక్కడ, ఎక్కడకు వెళ్తే అక్కడికి తేనెటీగలు

రెండు మూడు తేనెటీగలు ఉంటేనే భయంతో వణికి పోతూ ఉంటాం.

ఇంటికి చుట్టు పక్కల ఎక్కడైనా తేనెటీగలు కనిపిస్తే అవి ఏ సమయంలో దాడి చేస్తాయో అని బిక్కు బిక్కున ఉంటాం.

ఇక తేనెతుట్టి సమీపంలో ఉంటే దాన్ని తొలగించే వరకు వదిలి పెట్టాం.నిపుణులను తీసుకు వచ్చి తేనెటీగలను తీసేయిస్తాం.

అలాంటిది ఆ మనిషి ఎక్కడ ఉంటే అక్కడ తేనెటీగలు ఉంటాయి, వేరే ఊరుకు వెళ్లినా కూడా తేనెటీగలు ఆయన వెంట వెళ్తాయి.నలుగురిలో ఉన్న సమయంలో కూడా ఆయన చుట్టు తేనెటీగలు చేరి మిగితా నలుగురిని ఇబ్బంది పెడుతూ ఉంటాయి.

తేనెటీగలకు ఆయన అంటే మహా ఇష్టం కావచ్చు, ఆయనే గోసా టఫీస్‌.ఇథియోఫియాకు చెందిన గోసా టఫీస్‌ ఇంటికి 15 సంవత్సరాల క్రితం కొన్ని తేనెటీగలు వచ్చాయట.

ఆ తేనెటీగలను బయటకు పంపించేందుకు ప్రయత్నించాడట.కాని అవి వెళ్లలేదు.

సరే హాని చేయడం లేదు కదా అని వాటిని అలాగే ఉంచాడట.వాటి వృద్ది అనూహ్యంగా పెరిగింది.

పదులు, వందలు, వేలు ఇలా గోసా ఇంట్లో తేనెటీగల సంఖ్య అనూహ్యంగా పెరిగింది.నెలలో 20 నుండి 30 కేజీల తేనె ఇచ్చేంతగా గోసా ఇంట్లో తేనెటీగలు పెరిగాయి.

అంతటి స్థాయిలో తేనెటీగలు పెరగడంతో గోసా ఇరుగు పొరుగు వారు ఇబ్బంది పడటం మొదలైంది.పలు సార్లు ఇరుగు పొరుగు వారిని తేనెటీగలు కుట్టాయి.