తప్పని తెలిసినా కేసీఆర్ కు తప్పలేదా ?

 ఆరోపణలు ఎదుర్కొంటున్న బీఆర్ఎస్ సిట్టింగ్ ఎమ్మెల్యేల స్థానంలో పోటీ చేసేందుకు చాలా మంది ఆశావాహులు సిద్ధంగా ఉన్నా .వారిని పట్టించుకోకుండా మళ్ళీ ఆరోపణలు ఎదుర్కొంటున్న ఎమ్మెల్యేలకు టికెట్ కేటాయించడంపై అసంతృప్తులు మొదలయ్యాయి.ముఖ్యంగా దళిత బంధులో 30% ఎమ్మెల్యేలు అవినీతికి పాల్పడుతున్నారని కేసీఆర్ గతంలో చెప్పారు.

ఇప్పుడు ఆ అవినీతికి పాల్పడిన వారికి టికెట్ కేటాయించడం వెనక కారణాలు ఏమిటి ? గెలిచే అవకాశం లేకపోయినా వారికి ఎందుకు సీటు కేటాయించారు అనేది  ఎవరికి అర్థం కావడం లేదు.ఇక సామాజిక సమతుల్యత పాటించకుండా టికెట్లు కేటాయించారని , మహిళలకు కనీసం 10 సీట్లు కేటాయించకపోవడం ఏమిటని ప్రశ్నలు వ్యక్తం అవుతున్నాయి.

ఇప్పటికే టికెట్ దక్కని సీనియర్ నాయకులు చాలామంది పార్టీని వీడేందుకు సిద్ధమవుతున్నారు .బిజెపి, ( BJP party )కాంగ్రెస్ ల నుంచి వారికి ఆహ్వానాలు అందుతూ ఉండడంతో, ఆయా పార్టీలో చేరేందుకు ఏర్పాట్లు చేసుకుంటున్నారు.

అయితే ఈ టిక్కెట్లు కేటాయింపు వెనుక కేసీఆర్ ఆలోచన వేరేగా ఉంది.

 అవినీతి ఆరోపణలు ఎదుర్కొంటున్నా, ఆర్థికంగా సిట్టింగ్ ఎమ్మెల్యేలు బలంగా ఉండడం,  నియోజకవర్గం లో వారికున్న పరిచయాలు ఇవన్నీ కలిసి వస్తాయని , కొత్తవారిని పోటీకి దించితే వారు జనాల్లోకి వెళ్లి ఎన్నికల ప్రచారం నిర్వహించినా ఫలితం అంతంత మాత్రమే అన్నట్టుగా ఉంటుందని కేసీఆర్ అంచనాకు రావడంతోనే, తప్పనిసరి పరిస్థితుల్లో సిట్టింగ్ లకి ఎక్కువ ప్రాధాన్యం ఇచ్చినట్లుగా అర్థమవుతోంది.