ప్రస్తుతం ప్రపంచవ్యాప్తంగా చాలా దేశాలలో ఉష్ణోగ్రతలు తగ్గిపోయి చలి తీవ్రత ఎక్కువగా ఉంది చలికాలంలో ముఖ్యంగా ఆరోగ్యాన్ని కాపాడుకోవడం చాలా కష్టం.చలికాలంలో ఆరోగ్యంగా ఉండాలంటే వేడి పదార్థాలను ఆహారంలో భాగం చేసుకోవడం ఎంతో మంచిది.
చలికాలంలో చల్లటి ఆహారాన్ని అస్సలు తీసుకోకూడదు.ఇలా తీసుకోవడం వల్ల అజీర్తి సమస్య వచ్చే అవకాశం ఉంది.
ఈ నేపథ్యంలో చలికాలంలో మనం కొన్ని జాగ్రత్తలు తీసుకోవడం ఎంతో మంచిది.లేదంటే ఎన్నో రకాల అనారోగ్య సమస్యలను ఎదుర్కోవాల్సి ఉంటుంది.
మనం తిన్న ఆహారం త్వరగా జీర్ణం కాకుండా ఉంటే మసాలాలు, ఫ్రై చేసిన ఆహార పదార్థాలకు దూరంగా ఉండటమే మంచిది.మంచినీరు మన శరీరానికి ఒక ఔషధం లాంటిది.
ఏ కాలమైనా మనం తాగే నీరు మన ఆరోగ్యానికి ఎంతో మంచిది.ప్రతిరోజు ఉదయం సమయంలో రెండు గ్లాసుల గోరు వెచ్చని నీరు తాగితే మన శరీరానికి ఎన్నో లాభాలు ఉన్నాయి.
మలబద్ధకం సమస్య ఉన్న వారు వేడి నీరు తాగితే ఎంతో మంచిది.
ఇలా గోరువెచ్చని నీరు త్రాగడం వల్ల మన శరీరం ఎంతో ఉత్తేజంగా, హుషారుగా ఉంటుంది.
కండరాలు బిగుసుకుపోకుండా ఉంటాయి.జీర్ణ వ్యవస్థను మెరుగుపరిచి మలబద్దకం సమస్య లేకుండా చేస్తుంది.
వాతావరణం చల్లగా ఉన్నప్పుడు వేడినీళ్లు తాగితే మలబద్దకం తగ్గి రోజంతా ఉల్లాసంగా ఉంటారు.వేడినీళ్లు తాగడం వల్ల ముక్కుదిబ్బడ, ముక్కు పుడుకపోవడం, శ్వాస ఇబ్బందులు దూరమవుతాయి.
చలి వణుకు లాంటి లక్షణాలు ఏమైనా ఉంటే కచ్చితంగా తగ్గిపోతాయి.నరాల పనితీరు మెరుగయ్యే అవకాశం ఉంది.
రక్త ప్రసరణ మెరుగ్గా ఉంటుంది.అంతేకాకుండా శరీరంలోని మలినాలు కూడా బయటకు వెళ్తాయి.
నెలసరిలో వచ్చే ఇబ్బందులు కూడా ఇలా ప్రతిరోజు ఉదయం పూట వేడి నీళ్లు తాగడం వల్ల దూరమవుతాయి.ఆ సమయంలో ఉండే అలసట, విసుగు కూడా తగ్గిపోతాయి.
ఇంకా చెప్పాలంటే గోరువెచ్చని నీళ్లలో నిమ్మకాయ రసం పిండుకొని తాగితే బరువు కూడా తగ్గే అవకాశం ఉంది.
