ఈ యువకులకు బుద్ధుందా అసలు.. ముసలాయనపై డేంజరస్ ప్రాంక్..?

ఈరోజుల్లో ప్రతి ఒక్కరూ సోషల్ మీడియాలో ఫేమస్‌ కావాలని ఆశిస్తున్నారు.ఈ క్రమంలో పిచ్చి స్టంట్స్, ప్రాంక్స్ కూడా చేస్తున్నారు.

ఈ ప్రయత్నాల వల్ల వారికీ, ఇతరులకీ ప్రమాదం కలుగుతోంది.ఉదాహరణకు, ఉత్తరప్రదేశ్‌లోని జాన్సీ సిటీలో ( Jhansi City, Uttar Pradesh ) కొంతమంది బైక్‌పై వెళ్తూ ఓ ముసలాయనపై ప్రాంక్ చేశారు.

దానికి సంబంధించిన వీడియో వైరల్ అవుతోంది.ఆ వీడియోలో వారు ఎంత పిచ్చిగా ప్రవర్తిస్తున్నారో చూస్తే రక్తం మరిగిపోతుంది.

ప్రియా సింగ్ ( Priya Singh )అనే వ్యక్తి తన ఎక్స్ (ట్విట్టర్) ఖాతాలో పోస్ట్ చేసిన ఈ వీడియో ప్రస్తుతం వైరల్‌గా మారింది.ఆ వీడియోలో కొంతమంది బైక్‌పై వెళ్తున్న వ్యక్తులు ఒక వృద్ధుడిని చూసి ఆయన మీద కొంత పార్టీ ఫోమ్ స్ప్రే చల్లి, ఆయన కళ్లు కనపడకుండా చేశారు.

అనంతరం ఆ వృద్ధుడిని అక్కడే వదిలేసి వెళ్లిపోయారు.వారు ఆ వృద్ధుడిని చాలా ఇబ్బంది పెట్టారు.

ఇన్‌స్టా వీడియో కోసమో లేదంటే యూట్యూబ్ వీడియో కోసమో వాళ్లు ఇలా చేశారు.