అధికార టీఆర్ఎస్ పార్టీ ఎంపీపీ తాడూరి వెంక‌ట్ రెడ్డిని పోలీసులు అరెస్ట్ చేసేందుకు య‌త్నించ‌డం అర్ధరాత్రి క‌ల‌క‌లం సృష్టించింది.కూసుకుంట్ల ప్ర‌భాక‌ర్ రెడ్డికి వ్య‌తిరేకంగా గ‌ళం విప్ప‌డంతో పోలీసులు అరెస్ట్ కు సిద్ధ‌మ‌య్యారు.
ఈ నేప‌థ్యంలో హైద‌రాబాద్ వ‌న‌స్థ‌లిపురంలోని చౌటుప్ప‌ల్ ఎంపీపీ నివాసం వ‌ద్ద ఉద్రిక్త‌త నెల‌కొంది.ఆయ‌న ఇంటిని ఎస్ఓటీ, సీసీఎస్ పోలీసులు చుట్టుముట్టి, అదుపులోకి తీసుకునేందుకు ప్ర‌య‌త్నించారు.
ఈ వ్య‌వహారంపై స్పందించిన వెంక‌ట్ రెడ్డి.కావాల‌నే కుట్ర పూరితంగా అక్రమ కేసుల్లో ఇరికించాల‌ని చూస్తున్నార‌ని ఆరోపించారు.అర్ధరాత్రి స‌మ‌యంలో డోర్లు కొట్టి బెదిరింపుల‌కు పాల్ప‌డ్డార‌ని విమ‌ర్శించారు.ఇలాంటి తాటాకు చ‌ప్పుళ్ల‌కు భ‌య‌ప‌డే ప్రస‌క్తే లేద‌ని స్ప‌ష్టం చేశారు.
