దమ్ముంటే కామారెడ్డి చౌరస్తాకు రా..తేల్చుకుందాం అంటూ కేసీఆర్ కి రేవంత్ రెడ్డి సవాల్!

ఇదంతా పక్కన పెడితే రీసెంట్ గా రేవంత్ రెడ్డి ( Revanth Reddy )ముఖ్యమంత్రి కేసీఆర్ కి విసిరినా ఒక సవాలు ఇప్పుడు అధికార బీఆర్ఎస్ పార్టీ ని మరింత చిక్కులోకి నెట్టేసింది.కామా రెడ్డి జిల్లాలోని క్లాసిక్ హాల్ లో జరిగిన కాంగ్రెస్ పార్టీ కార్యకర్తల ఆత్మీయ సమావేశం లో రేవంత్ రెడ్డి మాట్లాడుతూ ‘రాష్ట్రం లో 24 గంటలు నువ్వు విద్యుత్తూ అందిస్తున్నది నిజమైతే కామారెడ్డి చౌరస్తా లోని అమరవీరుల స్తూపం దగ్గరకి నీ విద్యుత్తు శాఖా మంత్రి జగదీశ్ రెడ్డి( Minister Jagdish Reddy ) ని తీసుకొని వచ్చి నిరూపణ చెయ్యి.అలా కనుక నువ్వు చేస్తే నేను కొండగల్ మరియు కామా రెడ్డి లో నామినేషన్స్ ని ఉపసంహరించుకుంటాను.

ఉచిత విద్యుత్తు ఇస్తాము అనేది కాంగ్రెస్ పార్టీ పేటెంట్.నువ్వు గత ఆరు నెలల నుండి ఉచిత విద్యుత్తు ఇస్తున్నట్టుగా ప్రచారం చేసుకుంటున్నావు, నిబద్దత ఉంటే చర్చలకు రా తేల్చేద్దాం, కేసీఆర్ నా సవాలు ని స్వీకరించాలి’ అంటూ రేవంత్ రెడ్డి మాట్లాడిన మాటలు ఇప్పుడు సోషల్ మీడియా లో వైరల్ గా మారాయి.

రేవంత్ రెడ్డి మాటలకు కేసీఆర్ కౌంటర్ ఇస్తాడా లేదా అని అందరూ ఎదురు చూస్తున్నారు.ఒకవేళ కేసీఆర్ ఈ మాటల ప్రస్తావన తీసుకొని రాకపోతే కచ్చితంగా రేవంత్ రెడ్డి మాటలను నిజం చేసినవారు అవుతారు.అందుకే కేసీఆర్, కేటీఆర్ లేదా హరీష్ రావు ఇలా ఎవరో ఒక్కరు కచ్చితంగా రేవంత్ రెడ్డి విసిరిన సవాలు పై మాట్లాడాలి.లేకపోతే జనాల్లో బీఆర్ఎస్ పార్టీ పై మరింత వ్యతిరేకత ఎదురయ్యే అవకాశాలు ఉన్నాయి.