ఒకే ఫ్లెక్సీలో సీఎం జగన్, పవన్ కళ్యాణ్.. వైరల్ అవుతున్న భీమ్లా నాయక్ ఫ్లెక్సీ?

ప్రపంచ వ్యాప్తంగా మూడు వేలకు పైగా థియేటర్లలో నేడు భీమ్లా నాయక్ మూవీ రిలీజైంది.10,000కు పైగా భీమ్లా నాయక్ షోలు ప్రపంచ వ్యాప్తంగా నేడు ప్రదర్శించ బడుతున్నాయని సమాచారం అందుతోంది.

పవన్ అభిమానులు తొలిరోజే భీమ్లా నాయక్ సినిమాను థియేటర్లలో చూడాలని భావిస్తున్నారు.

కలెక్షన్ల విషయంలో భీమ్లా ఖాతాలో రికార్డులు గ్యారంటీ అని ప్రేక్షకుల నుంచి అభిప్రాయాలు వ్యక్తమవుతున్నాయి.సీఎం జగన్, పవన్ కళ్యాణ్ రాజకీయ ప్రత్యర్థులు అనే సంగతి తెలిసిందే.

అయితే భీమ్లా నాయక్ సినిమా రిలీజ్ సందర్భంగా ఒక అభిమాని ఒకే ఫ్లెక్సీలో పవన్ జగన్ ఫోటోలను పక్కపక్కన పెట్టి బ్యానర్ వేయించారు.ఒకే ఫ్రేమ్ లో పవన్ జగన్ ను చూసి అభిమానులు షాకవుతున్నారు.

ఒకవైపు జగన్ సర్కార్ ఏపీలో భీమ్లా నాయక్ సినిమా విషయంలో కఠినంగా నిబంధనలు అమలు చేస్తుంటే మరోవైపు ఫ్యాన్స్ మాత్రం జగన్, పవన్ ఫోటోలతో ఫ్లెక్సీలను ఏర్పాటు చేస్తుండటం గమనార్హం.