అధికారమే లక్ష్యంగా పావులు కదుపుతున్న బీజేపీ..

తెలంగాణలో బీజేపీ పాగావేయడానికి అన్ని ప్రయత్నాలు చేస్తోంది.2023 లక్ష్యంగా పావులు కదుపుతోంది.

వ్యూహాత్మకంగా అడుగులు వేస్తోంది.

బండి సంజయ్ పాదయాత్రతో బీజేపీలో మరింత జోష్ పెరిగింది.దక్షిణాదిలో కర్నాటక తరువాత తెలంగాణలో అధికారంలోకి రావాలనే టార్గెట్ గా పెట్టుకుంది ఆ దిశగా రాష్ట్రపార్టీ కృషి చేస్తోంది.

కేంద్ర నాయకత్వం చేసిన దిశానిర్దేశంతో రాష్ట్ర నేతలంతా కలిసికట్టుగా పనిచేస్తూ ముందుకు సాగుతున్నారు.తెలంగాణ రాష్ట్రంలో బీజేపీ మరింత దూకుడుగా వెళ్లాలని నిర్ణయం తీసుకొంది.2023 అసెంబ్లీ ఎన్నికల్లో అధికారమే లక్ష్యంగా బీజేపీ నాయకత్వం పావులు కదుపుతుంది.ఈ దిశగానే ఆ పార్టీ రాష్ట్ర నాయకత్వం వ్యూహాలతో ముందుకు వెళ్తోంది.2023లో తెలంగాణలో అసెంబ్లీకి ఎన్నికలు జరగనున్నాయి.ఈ సారి తెలంగాణలో అధికారంలోకి వచ్చేందుకు అన్ని అవకాశాలను అందిపుచ్చుకోవాలని బీజేపీ నాయకత్వం భావిస్తోంది.

దుబ్బాక, హుజూరాబాద్ అసెంబ్లీ ఉప ఎన్నికల్లో సాధించిన విజయాలు ఆ పార్టీలో మరింత ఉత్సాహన్ని నింపాయి.హుజూరాబాద్ ఉప ఎన్నిక ఫలితం తరువాత రాష్ట్ర బీజేపీలో మరింత జోష్ పెరిగింది.

వీలు దొరికినప్పుడల్లా టీఆర్ఎస్ ప్రభుత్వం వైఫల్యాలను ఎత్తి చూపుతూ బీజేపీ నేతలు విమర్శలు గుప్పిస్తున్నారు.తెలంగాణ బీజేపీ అధ్యక్షుడు బండి సంజయ్ జీవో నెంబర్ 317కు వ్యతిరేకంగా ఉద్యమించారు.

తరువాత ఆయన్ను అరెస్టు చేయడం.కొన్ని రోజుల పాటు తెలంగాణ రాజకీయాల్లో కలకలానికి దారి తీసింది.