జగన్ తిరుపతి పర్యటన... పవన్ సూచన ఏంటంటే ?

తిరుమల దర్శనానికి వెళ్లాలని నిర్ణయించుకున్న జగన్ విషయంలో ఆయన మతాన్ని,  ఆయన పర్యటనను లక్ష్యంగా చేసుకుని మాట్లాడాల్సిన అవసరం సమయం ఇది కాదని,  వ్యక్తులను,  అన్యమాతలను లక్ష్యంగా చేసుకోవద్దని కూటమి శ్రేణులకు పవన్ కళ్యాణ్ సూచించారు.తిరుమల దర్శనానికి వెళుతున్న జగన్ నుంచి డిక్లరేషన్( Declaration ) తీసుకోవడం అనేది టీటీడీ అధికారుల బాధ్యత .ఈ విషయంపై కూటమి పక్షాలు ప్రత్యేకంగా మాట్లాడాల్సిన అవసరం లేదు.డిక్లరేషన్ ఇస్తారా లేదా,  ఆలయ సాంప్రదాయాలు,  మర్యాదలు , నిబంధనలు పాటిస్తారా లేదా అనేది వెళ్లే వ్యక్తి విచక్షణకు వదిలేయాలి.

  అధికారులు బాధ్యత గుర్తెరగాలి.ఈ విషయంలో వైసిపి కోరుకునేదే గొడవలే.

ఎందుకంటే వైసీపీ ప్రతిపక్షంలో ఉండగా తుని ఘటన,  అధికారంలోకి వచ్చాక కోనసీమ ఘటన సృష్టించి కులాల మధ్య చిచ్చు రేపే ప్రయోజనం పొందాలని చూసింది ఇప్పుడు మతాల మంట రేపాలని చూస్తోందని పవన్ మండిపడ్డారు.