ఏపీలో మరో సంచలనం ..ఆ లెక్కలు తేల్చే పనిలో ప్రభుత్వం

ఏపీలో వైసిపి( YCP ) అధికారం చేపట్టిన దగ్గర నుంచి ఎన్నో సంచలనాలకు నాంది పలుకుతూనే ఉంది.

ఇక ఎన్నికల సమయం దగ్గర పడుతున్న నేపథ్యంలో మరో సర్వేకు శ్రీకారం చుట్టింది.

ఏపీలో ప్రజల కుల, సామాజిక, ఆర్థిక పరిస్థితులు ఏ విధంగా ఉన్నాయి అనే దాని పైన సర్వే చేపట్టేందుకు కీలక నిర్ణయం తీసుకుంది.పది రోజుల్లోనే ఈ సర్వేను పూర్తి చేసే విధంగా విధి విధానాలను రూపొందించారు.

రాష్ట్ర వ్యాప్తంగా కుల, గ్రామీణ సర్వేలు( Caste Survey ) ప్రభుత్వం మొదలు పెట్టింది.గ్రామ, వార్డు, సచివాలయ శాఖ ఆధ్వర్యంలో రాష్ట్రంలో ఉన్న కోటి 60 లక్షల కుటుంబాలను సర్వే చేయనున్నారు.

దీనికోసం వాలంటీర్లు, సచివాలయ సిబ్బందికి శిక్షణను అధికారులు ఇచ్చారు.ఎక్కడా ఎటువంటి వ్యక్తిగత డేటా బయటకు వెళ్ళకుండా, అత్యంత పగడ్బందీగా ఈ సర్వే చేపట్టే విధంగా ఏర్పాట్లు చేశారు.

ఇంటింటి సర్వేలో భాగంగా రెండు దశల్లో ఈ ప్రక్రియను పూర్తి చేయనున్నారు.