అమ్మమ్మ పాత్రల్లో కూడా నటించడానికి సిద్ధమంటున్న అనసూయ.. షరతులు ఏంటంటే?

బుల్లితెరపై జబర్దస్త్ షోతో పాటు ఇతర షోలు చేయడం ద్వారా స్టార్ యాంకర్ గా పాపులారిటీని సంపాదించుకున్న అనసూయ( Anchor anasuya ) ప్రస్తుతం బుల్లితెర షోలకు దూరంగా ఉంటున్నా వెండితెరపై మంచి పాత్రలను ఎంచుకుంటూ ప్రశంసలను అందుకుంటున్నారు.పెదకాపు1 సినిమాలో కీలకమైన రోల్ లో నటిస్తున్న అనసూయ ఈ సినిమా ప్రమోషన్స్ లో భాగంగా కథ, పాత్ర అద్భుతంగా ఉంటే అమ్మమ్మ పాత్రలో నటించడానికి కూడా సిద్ధమేనని చెప్పుకొచ్చారు.

అందరూ మాట్లాడుకునేంత గొప్పగా అమ్మమ్మ పాత్ర ఉంటే ఆ పాత్రలో చేయడానికి తనకు ఎలాంటి అభ్యంతరం లేదని అనసూయ అభిప్రాయం వ్యక్తం చేశారు.

సినిమాలలో ఈ పాత్ర ఆ పాత్ర అని కాదని అన్ని రకాల పాత్రల్లో కనిపించాలని నేను భావిస్తున్నానని ఆమె అన్నారు.కథ డిమాండ్ చేస్తే ఎలాంటి రోల్ లో అయినా కనిపించడానికి నాకు ఎలాంటి అభ్యంతరం లేదని అనసూయ పేర్కొన్నారు.