Adi purush Review: ఆదిపురుష్ రివ్యూ: రాఘవునిగా ప్రభాస్ హిట్ కొట్టినట్లేనా?

డైరెక్టర్ ఓం రౌత్ దర్శకత్వంలో రూపొందిన పాన్ ఇండియా మూవీ ఆదిపురుష్.

పాన్ ఇండియా స్టార్ ప్రభాస్ నటించిన ఈ సినిమా ఇతిహాసం రామాయణం అనే పౌరాణిక నేపథ్యంలో రూపొందింది.

ఇందులో బాలీవుడ్ నటి కృతి సనన్, సైఫ్ అలీ ఖాన్, సన్నీ సింగ్, దేవ దత్తనాగే తదితరులు నటించారు.ఈ సినిమాను టీ సిరీస్ ఫిలిమ్స్, రెట్రోఫిల్స్ బ్యానర్( T Series Films, Retrofils Banner ) పై నిర్మించారు.

ఇక ఈ సినిమాకు సంచిత్ బల్హర, అంకిత్ బల్హర లు స్కోర్ అందించగా అజయ్ - అతుల్, సాచెట్ - పరంపర సంగీతాన్ని అందించారు.ఇక ఈ సినిమా తెలుగుతో పాటు హిందీ భాషలో కూడా ఈరోజు ప్రేక్షకుల ముందుకు వచ్చింది.

ఇక ఇప్పటికే ఈ సినిమాపై భారీ అంచనాలు వెలువడ్డాయి.రామాయణం తెలిసిన కథ అయినప్పటికీ కూడా ప్రేక్షకులు ఈ సినిమాపై బాగా ఆసక్తి పెంచుకున్నారు.

ఇక ఈరోజు విడుదలైన ఈ సినిమా ప్రేక్షకులను ఏ విధంగా ఆకట్టుకుందో.ప్రభాస్ కు ఎటువంటి సక్సెస్ అందించిందో చూద్దాం.

కథ: కథ విషయానికి వస్తే రామాయణం( Ramayanam ) గురించి ప్రతి ఒక్కరికి తెలిసిందే.ఇప్పటికే రామాయణం నేపథ్యంలో ఎన్నో సినిమాలు తెరకెక్కాయి.

తెలిసిన కథ అయినప్పటికీ కూడా చూడాలన్న ఆసక్తి బాగా ఉంటుంది.అలా ఇప్పుడు కూడా ప్రభాస్ రామాయణం కథతో ముందుకు వచ్చాడు.

ఇంకా రామాయణం లోని కొన్ని ముఖ్యమైన ఘట్టాల సమహారమే ఆదిపురుష్.తండ్రి మాట కోసం రాఘవడు (ప్రభాస్) 14 ఏళ్ళు భార్య సీత జానకి (కృతి సనన్) తో అరణ్యవాసానికి వెళ్తాడు.

ఆ తర్వాత లంకేశ్వరుడు( Lankeshwaradu ) (సైఫ్ అలీ ఖాన్) జానకిని అపహరిస్తాడు.అలా లంకేశ్వరుని ఆధీనంలో ఉన్న జానకిని కాపాడటం కోసం వానర సైన్యం సహాయంతో లంకేశ్వరుని అంతమొందించి రాఘవుడు ఎలా కాపాడాడు అనేది మిగిలిన కథలోనిది.