తెలుగు సినీ నటుడు వికె నరేష్, పవిత్ర లోకేష్ ల వ్యవహారం ఇప్పట్లో ముగిసేలా కనిపించడం లేదు.అయితే మొదట ఒక వార్తగా మొదలైన ఈ వివాదం చిలికి చిలికి గాలి వానగా మారింది.
దీనితో ఎప్పటినుంచో సంపాదించుకున్న నరేష్ పేరు పరువు మొత్తం మంటగలిసి పోయింది.ఇదే విషయంపై నరేష్ భార్య రమ్య రఘుపతి కల్పించుకోవడంతో ఈ వివాదం కాస్త మరింత పెద్దది అయింది.
ఇది ఇలా ఉంటే తాజాగా సోషల్ మీడియాలో నరేష్ కు సంబంధించిన ఒక వీడియో వైరల్ అవుతోంది.ఆ వీడియోలు నరేష్ మాట్లాడుతూ.
ఓ ఛానెల్‌లో నా గురించి ఎనిమిది గంట‌ల ప్రోగ్రామ్ వేశారు.
అలా ఏ ఛానెల్‌లో అయినా వేస్తారా? నేను ఆ ఛానెల్ పేరు చెప్పాల‌నుకోవ‌టం లేదు.అది చూస్తుంటే వ‌న్ సైడ్ తీసుకున్న‌ట్లు అనిపిస్తుంది.వారు నన్ను బ్లాక్ మెయిల్ చేయాల‌ని అనుకుంటున్నారు.అయితే నేను ఆ ఛానెల్‌పై ఎలాంటి కంప్లయింట్ చేయ‌టం లేదు.నేను రమ్య పైనే కంప్లైంట్ చేస్తున్నాను.
ఆ ఛానెల్ వాళ్లు చాలా కార‌ణాల‌తో స‌పోర్ట్ చేస్తూ ఉండొచ్చు.వారి మ‌ధ్య ఎలాంటి అండ‌ర్ స్టాండింగ్ ఉందో నాకు తెలియ‌దు.
కానీ వారు చేస్తున్న‌ది చూస్తుంటే బ్లాక్ మెయిల్ చేయాల‌నుకుంటున్న‌ట్లు అనిపించింది.కానీ నన్ను బ్లాక్ మెయిల్ చేయ‌లేరు.నన్ను ఎంత వ‌ర‌కు బ్లాక్ మెయిల్ చేయ‌గ‌ల‌రు అని తెలిపారు నరేష్. ఈ వీడియో పాతదే అయినప్పటికీ ప్రస్తుతం ఈ వీడియోని ట్రెండ్ చేస్తూ తెగ వైరల్ చేస్తున్నారు.
