ఆర్ఆర్ఆర్ దెబ్బకు ఆలోచనలో పడ్డ ఆచార్య

మెగాస్టార్ చిరంజీవి నటిస్తున్న ఆచార్య సినిమా షూటింగ్ ఇప్పటికే శరవేగంగా జరుగుతోంది.అయితే కారోనా వైరస్ ప్రభావంతో లాక్‌డౌన్ కారణంగా షూటింగ్ ప్రస్తుతానికి వాయిదా పడింది.

కాగా ఈ సినిమా టైటిల్‌ను చిరంజీవి ఓ సినిమా ఈవెంట్‌లో అనుకోకుండా అనౌన్స్ చేయడంతో దర్శకుడు కొరటాల శివ చాలా ఫీల్ అయ్యాడు.అయితే ఈ సినిమా టైటిల్ లోగోను లాంఛ్ చేసే విషయంలో మాత్రం పూర్తి బాధ్యత కొరటాలకే ఇచ్చాడట చిరు.

దీంతో ఉగాది కానుకగా ఈ సినిమా టైటిల్ లోగోను రిలీజ్ చేస్తారని చిత్ర వర్గాలు అనుకున్నాయి.కానీ రాజమౌళి డైరెక్ట్ చేస్తున్న ఆర్ఆర్ఆర్ చిత్ర టైటిల్ లోగోను రిలీజ్ చేయడంతో ఈ సమయంలో ఆచార్య టైటిల్‌ లోగోను రిలీజ్ చేస్తే అనుకున్న స్థాయిలో క్రేజ్ ఏర్పడదని కొరటాల భావించాడట.

దీంతో ఉగాదికి ఈ సినిమా నుండి ఎలాంటి ట్రీట్ రాలేదు.ఇక ఈ చిత్ర టైటిల్ లోగోతో పాటు ఫస్ట్ లుక్‌ను కూడా ప్రస్తుతం ఉన్న ఆర్ఆర్ఆర్ క్రేజ్ తగ్గాకే రిలీజ్ చేయాలని కొరటాల ఆలోచిస్తు్న్నాడు.

దీంతో ఆచార్య చిత్రం ఫస్ట్ లుక్ పోస్టర్ ఎప్పుడు వస్తుందా అని అందరూ ఆసక్తిగా ఎదురుచూస్తున్నారు.